Jisabhu 27:8 - O Mikanda Ikola

⁸ Muthu kiʼaxa o dibhata diê anga uia ni kunhunga, usoka ni njila ia xisa o kikalanga kiê hé i kuata ngó kuzelela.

Jisabhu 27:8 ပူးပေါင်းရင်းမြစ်များ

Dimatekenu 21:14

Kúkia ni kimene Mbalahamu u balumuka, u zangula mbolo ni mudingi ua menha, u i bana Hangale, u mu tuika-iu bhu isuxi, anga u mu bhana ni mona hé ua kaia; muhatu anga u katuka, u kuata kunhungana mu kikangalakata kia Bele-sebha.

Dimatekenu 4:16

Kaini anga u tunda bhu pholo ia Ngana, uia mu tunga mu ixi ia Nole, ku mbandu ia mutundila-kumbi ia Edene.

I Jisobha 11:22

Falaó-phe kia kʼivu u mu ambela, uixi: Abha kua ku kambe kima kiahi mʼonzo iami, kiala ku ku sotesa kuia kʼoxi ienu? Kuala muene: Kana kima kia ngi kambe. Sumbala-phe kiene, maji ngi Sule, ngiie kʼoxi ietu.

I Jisobha 19:9

Kuenhoko anga u bokona mu dibânda anga u zekela-mu o usuku; anga ku muiza kizuelu kia Ngana, ki mu ambela kiexi: Elija, ua mu bhangaʼhi bhabha?

Jisabhu 21:16

Muthu uoso u xisa o njila ia kilunji, nʼa kala mu ku bungana ngó, ua kà nhohena bhu kilômbo kia madifundu.

Jisabhu 26:2

Njila i nhungina kima, phiáphia u tukila ue kima; o muthu ue ku mu ta o mázui nʼa mu kuata, kale bhu kala kikuma.

Jisabhu 27:7

Muenhu ua muthu se uekuta, kixila kia uiki u ki diata-diatela muene bhoxi; maji o mukua nzala-phe, ni kia lulu u ki mona kutouala.

Izaía 16:2

He ki mua ki bhange, ana-ilumba mu Mouabhe mu a sanga a sukemena bhu matabhu a Anone, a-nda kuila kala njila iala mu zungana, a i muange bhu kikalanga kiê.

Jona 1:3

Jona anga u balumuka phala kulengela ku Talxixi, mukonda dia Ngana; kia kulumuka ku Jope, u sanga-ku naviiu iala kuia ku Talxixi, u futa muômbo uê, anga u di longa momo phala kuia ku Talxixi mukonda dia kulenga pholo ia Ngana.

I Kolindo 7:20

Kala muthu a xale mu kikexilu kiê muoso mua mu sange, iú uetaia o kixanu kia Nzambi.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

I Samuuele 22:5

Polofeta Ngadi anga uambela Davidi, uixi: Kana kukala kunu mu mutôlo, tunda-mu uie kʼoxi ia Juda; kienʼokio Davidi u tunda uiza u kala mu muxitu ua Helate.