Jisabhu 27:6 - O Mikanda Ikola

⁶ Jifidila ji tu kuama o dikamba, ji di bhanga ijimbuete ia jihenda; maji o jibeju ja ku tu nzobola ku nguma, ji bheka kiluezu, kuma ji tu nganala.

Jisabhu 27:6 ပူးပေါင်းရင်းမြစ်များ

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisabhu 10:18

Uoso u kondeka o luma ni ku di-uabhesa ku mizumbu, mukua makutu; uoso-phe uenda ni kabódio, kioua.

Jisabhu 20:30

Jifidila ja midimba ia kibetu, ji bhanga kiambote ku athu a bhumu, katé ni jihome ji a xila o kinduma mu mídia, jène jène ku a sungisa kilunji.

Jisabhu 27:7

Muenhu ua muthu se uekuta, kixila kia uiki u ki diata-diatela muene bhoxi; maji o mukua nzala-phe, ni kia lulu u ki mona kutouala.

Jisabhu 28:23

Uoso u bazela muthu, o ku pholo kuaia, a beta ku mu zola; kuindi o mukua kubhomba ni dimi dia kukuata ngó káfua ku pholo.

Jihebeleu 12:10

Kuma jitata jetu mu xitu a tu beta jinga muene kithangana mu ku tu longa kioso kia mono kia uabha. Maji Nzambi u tu beta mu ku tu bhanga o mbote, phala tu nomone ku kidifua kiê kia kuzela.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.