Jisabhu 26:4 - O Mikanda Ikola

⁴ Kiôua ku mu tambuijile kia tokala mu uôua uê-muène; nʼeie-phe ua vula ku di fangana-nê.

Jisabhu 26:4 ပူးပေါင်းရင်းမြစ်များ

I Jisobha 12:14

Anga u a zuelesa mù kaiela phangu ia mu longesa minzangala uixi: Tatʼetu ua nemesene kiavulu ophi ienu, eme-phe ophi ienu nga-ndu i bandekeza hanji: tatʼetu ua mi beta jinga ni jisanzu, eme-phe nga-ndu mi beta jinga ni jingìnga

I Jisobha 12:16

Izalaiele ioso-phe kia mono kuma, sobha ka a bhana mátui, athu oso a mu vutuila, exi: Mbandu iahi i tuala na-iu ni Davidi? Kua monʼa Jese kana-ku undundu uetu, Ndé ku jifundu jenu, eie u Izalaiele! Kindala soka ni dibhata dié, eie u Davidi. Bhenhobho Izalaiele ioso a di muangena ku jifundu jâ.

Jisabhu 17:14

Mvunda bhu iandekela, mukua n: kubula mumba ua menha; tula-phe o ku di ẋokuesa ni mukuenu, kiosuiki mvunda kiluua ibambuka.

Jisabhu 23:9

Mátui ma kiôua ku ma zangele maka mé, mbata o kuzuela kué kuoso kua unjimu muene u ku tobhesʼé.

Jisabhu 26:5

Vutuila o kiôua ni ku mu jimbuila o uôua uê; phala ka di mone unjimu ku mesu mê-muène.

Jisabhu 29:9

Muthu uejiia, kia di kuata ni iú kʼejiia kima, kixi u di vunza mba uolela, ió kunhoha ka ku mono.

Izaía 36:21

Maji ene-oso a dixibha, ka mu kumbulula né ngó diba dimoxi; mbata kiene kia tumu muenexi, kuila: Kana ku mu vutuila kima.

Matesu 7:6

Ima ia Nzambi kana ku i tela jímbua, o jiphelula jenu kana ku ji texila jingulu, kuma jene ji ji diotela bhoxi, anga ji lunguluka ji ku ẋuua.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.

Juda 1:9

Sumbala né Mingedi-phe, kota dia jianju ka tenene kubhanga kiokio. Kuma kia di kuatele ni Diabhu o phata ia kumona uoso u xala ni mukutu ua Mozé, Mingedi ka bhuminine ku lebhula Diabhu, inda uixi-phe ngó: Ngana a ku bazele.