Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.
Ku kiiadʼiki uebhi ua bhange o vondadi ia tatʼâ? Kuala ene: O dikota. Jezú uixi: Ni kidi kiene, ngi mi ambela, kuma akua kutambula lubhaku ni idianzunga ala ku mi tuamenena kubokona mu Utuminu ua Nzambi.
O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.
Jezú uixi: Ua batula kidi. Anga u lungulukila kuala o muhatu, hé uambela Ximá, uixi: Ua mono muhatu iú? Nga bokona mʼonzo ié, eie kua ngi bhana menha ma kusukula inama; muène-phe ua ngi betesa inama ni masoxi, ua i kondona ni kindemba kiê.
Jezú ua a vutuila, uixi: Se mua kexile mu ifôfo, ki mueju kala ni kituxi. Maji o kiki, ki muala kuila-phe, tua mono, kienhiki hanji kituxi kienu kia xalela.
Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!