Jisabhu 24:7 - O Mikanda Ikola

⁷ Semenhi-phe unjimu uoso ua mu kala bhua lebha; o kieza bhu telelu mu kufunda, katena kujikula dikanu.

Jisabhu 24:7 ပူးပေါင်းရင်းမြစ်များ

Jobe 31:21

se o lukuaku luami nga-lu zengela monʼa kitungu, mukonda dia ku ngi suinisa kuala afundixi bhu dibhitu,

Jobe 5:4

O anʼé kubhuluka kua a kala dikanga; a a sanujuina muene bhu muelu; ki bhu kala ngó muthu u a kudila.

Jisálamu 10:5

Mu jinjila jê joso uenda ni kuzediua izuua ioso; o kubatula kua eie, u Nzambi, kua mu kala dikanga bhulu, ki kua mu bhiti ngó ku mesuʼê; oso a sota ku mu fudisa, muene u njona, u xikulula.

Jisálamu 127:5

Ua zediua o diiala uoso ua a somo, o kizu kiê kiezala muene; ió ka tena kutandanganha ni jisonhi, kia di kuata ni jinguma jê bhu muelu ua mbonge.

Jisabhu 14:6

Semenhi u sota unjimu, maji uene ka di-mono na-u; maji o makua-kilunji-phe ku di longa uene o mukumbi uê.

Jisabhu 15:24

Muthu ua dimuka, u bandela mu njila ia muenhu, mbé kufula kuboloka mu bombo dia madifundu, bhoxi.

Jisabhu 17:16

O muene-phe kiôua, bhu maku mê u bhelaʼhi ngó suilu ia kitadi mu kusumba o unjimu, se muene ka moneka kilunji?

Jisabhu 17:24

Unjimu ua mukua kilunji u di monekena bhu pholo iê; maji o mesu-phe a kiôua, a takujuka ngó makanga ni kukengelela ku mikáu iahatu kai; uandala kutala kua suku oxi.

Jisabhu 17:7

Maka ma uhete, kene ku a tela kiôua; o makutu, kene ku a tela muadiakime.

Jisabhu 22:22

O ngadiama kana ku mu nhana o kiê, mbata muene mukuenu ngadiama; o ki u kala bhu milonga, muthu uaia phulungu eie kana ku mu dia mangonha.

Jisabhu 28:5

Athu a bhumu, o uendelu ua ngonge ia kuiuka, ki utena ku a jimbulukila; maji oso-phe a sota Jihova, ima ioso ia tetulukila kiambote.

Jisabhu 31:23

Muadi uê a mu ijiia bhu nangu dia mundu ni bhu mabhitu a imbaka ia mbonge, kioso kia xikama kumoxi ni adiakime aʼxi.

Izaía 29:21

ni oso a uabhela kutuika mulonga ku muthu mu diba dimoxi ngó, a sota o ndunge ia kukuata oso a a bazela bhu muelu; o muthu uaiuka a sota kioso kia mu uanuna mu dianda diâ, sè kikuma.

Izaía 32:6

Mbata o seletete uzuela useletete uoso, o muẋima ue u bhanga ima ia kubhuma, ndunge iê o kubhanga mangonha, katé ni Jihova u mu tanga ibhengèle, ukakula mukua-nzala, o mukua-dinhota u mu kambesa o menha.

Amoji 5:10

Enhó kia mona bhu muelu muthu u a bazela, ki a ibhila; uoso u tanga kidi ene a mu zemba.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.