Jisabhu 23:9 - O Mikanda Ikola

⁹ Mátui ma kiôua ku ma zangele maka mé, mbata o kuzuela kué kuoso kua unjimu muene u ku tobhesʼé.

Jisabhu 23:9 ပူးပေါင်းရင်းမြစ်များ

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 14:7

Kioua mu sondoloke, mukonda ku mizumbu iê o maka a unjimu kua a sange-ku.

Izaía 36:21

Maji ene-oso a dixibha, ka mu kumbulula né ngó diba dimoxi; mbata kiene kia tumu muenexi, kuila: Kana ku mu vutuila kima.

Matesu 7:6

Ima ia Nzambi kana ku i tela jímbua, o jiphelula jenu kana ku ji texila jingulu, kuma jene ji ji diotela bhoxi, anga ji lunguluka ji ku ẋuua.

Luka 16:14

Jifalizeu kuma ja zola kiavulu o kitadi, a muivu kuta makʼama, anga a kala ku mu olela.

Nzuá 10:20

Amukuá, exi: Muène uala ni dimonho! Ua saluka! Phala-hi muala ku mu ívua ioso ia mu zuela.

Nzuá 8:52

Jijudé ji mu ambela, exi: Kiki tuejiia kiá kuma eie uala muene ni dimonho! Mbalahamu ua-fua, jipolofeta ja-fua, eie-phe uixi: Muthu uoso uaiuka o maka mami, kà monʼ ê kalunga!

Nzuá 9:40

Jifalizeu jala-nê bhenhobho, kia zuela kiki, exi: Kífua uambe kuma etu tu ifuôfuo, kuambe?

Jipoxolo 17:18

Anga ku kala jindongixi ja akua kisoko kia Epikulu, ni kia Jistoiku, a takana-nê. Amoxi exi: Muenʼiú ua kambe o kuijiia, uala kusabhula kiebhi? Amukuâ exi: Uedi kala uala ku tu tangela mahamba a jixi jengi. Ene a kexi mu zuela kiokio mukonda Phaulu ua tumbula Jezú ni difukunukinu.

Jipoxolo 17:32

O kia mu ivu kutanga o madifundu kufukunuka, amoxi-mu olela; amukuâ exi: Hundu ioio tu andala hinu tu ivua dingi thembu iengi.