Jisabhu 22:7 - O Mikanda Ikola

⁷ Mvama muene patalá ia jingadiama; mukua ku sobha muene selevende ia ió mukua kusobhesa.

Jisabhu 22:7 ပူးပေါင်းရင်းမြစ်များ

II Jisobha 4:1

Anga muhatu umoxi, ku ahetu a anʼa jipolofeta, u dikola kua Ilizeu, uixi: Muadi uami, mubhikʼé, ngana, uafu. Eie-phe ua kʼijiia kuila o mubhikʼé ua kexile mukua uoma ua Nzambi; o kiki-phe mukua dikongo ueza mu ku ngʼambata o anʼami kiiadi a mala, phala kukala abhikʼê.

Jisabhu 14:31

Uoso u sondemeka o ngadiama, uala kulokalala Mubhangi uê; uoso-phe u bindumina o hukunhu, ua jingisa uoso ua mu bhanga.

Jisabhu 18:23

Ngadiama kia zuela, u dionda; maji o mvuama-phe, u vutula ni mikalu.

Jisabhu 22:16

Uoso u bhondeleka o ngadiama, phala ku di bhanga muene, ni uoso u bhakuila o mvama, ki bhuala phata, hinu u biluka ngadiama.

Jisabhu 22:22

O ngadiama kana ku mu nhana o kiê, mbata muene mukuenu ngadiama; o ki u kala bhu milonga, muthu uaia phulungu eie kana ku mu dia mangonha.

Izaía 24:2

Kioso kianda kubhita na-kiu o mundu, kiene ue kia kà bhita na-kiu o nganga; kikala o selevende, kiene ue kià kala ngana iê; kikala o kahatu, kiene kià kala ngana iê ia muhatu; kikala o musumbi, kiene ue kià kala o musumbixi; kikala o musobhexi, kiene ue kià kala o musobhi; kikala u bhana dikongo ni kuvualesa, kiene ue kià kala uoso u futa dikongo ni kuvualesa.

Amoji 2:6

Jihova uambe kiki: Izalaiele kia tondala lutatu ni luuana, kibetu kiê ki ngi mu katula-kiu; mukonda muene muthu uambote u mu sumbisa mu mulambôngo; o ngadiama ua bhindama, u mu sumbisa mu phadi ia jisabhatu.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Amoji 8:4

Kienhiki ivenu-kiu enu muala kuinda kujikinisa o phulungu, o jingadiama mu ngongo enu mu sota ku a bhanga phulu.

Amoji 8:6

Mbé jingadiama tu a sumbe mu kitadi, o jiphindàme, tu a sumbe ngó mu phadi ia jisandádia. O tiliku ietu ue tu i sumbisa muene katé ni ibhiaẋi iê.

Matesu 18:25

Kuma kia kufuta ka ki mono, ngana iê u tuma ku mu sumbisa, ni muhatuʼê, ni anʼê, ni ima ioso iala na-iu, phala dikongo ku di futisa.

Tiiaku 2:6

Maji enu-phe jingadiama ki mua mu ji bhana ujitu! Manhi o jimvuama ki ene ène ku mi bhikisa, anga aia ni ku mi sunga-sungila bhu ibhuna ia kufundisa milonga?

Tiiaku 5:1

Kindala, enu mu jimonhi, ivenu! Ndokuenu mu dile, mu di kole, mukonda dia usébhue ua-nda ku mi tula!

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.