Jisabhu 22:5 - O Mikanda Ikola

⁵ Mu njila ia mukua ituxi muezala minha ni mabhèbhe; uoso-phe u kondeka o muenhu uê, kikale u bholoka muene dikanga.

Jisabhu 22:5 ပူးပေါင်းရင်းမြစ်များ

Jobe 18:8

Kuma inama iê-muène, iene ia kà mu fuisa mu uanda, ua kʼèndela ku jingoji ja uanda.

Jisálamu 11:6

Enhó a bhumu hinu u a nokesa mvula ia makala ku thandu diâ, ni túbhia ni xofidi, kumoxi ni kitembu kia kibhungu kia dikota; ene o mahitula a a lungila mu nganza iâ;

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Jisabhu 13:15

Kutetuluka kua kidi, ku bongesa ujitu; maji o njila-phe iá ió a dianguka, i talesa hadi, (kuma i muesa lamba).

Jisabhu 13:3

Uoso u langa dimi diê, muenhu uê ua u kondeka; uoso-phe uzuela kiavulu, muenhu uê ua u jibha.

Jisabhu 15:19

Njila ia musonde mukua ni kikanzo kia minha ia kathathala; maji hoka-phe ia athu aiuka, u sanga ia babelela kiambote.

Jisabhu 16:17

Kikoka kia athu aiuka (emana miẋima nzanza), o kulenga kubhanga kiaiibha; uoso uedi kuma muenhu ngi u kondeka, aʼluke o uendelu uê.

Jisabhu 19:16

Uoso muthu uʼaluka kijila, muene ua zola o muenhu uê; maji uoso u landuka o mauendelu ma mu tokala, uafu.

Jisabhu 22:4

O kuditolesa ni kuxila Jihova, futu iâ jimbongo, ni kijingo, ni muenhu.

Jisabhu 29:6

Muthu ua iibha o muẋima, o kutondala kuê ku di bhanga díbhebhe; maji o muthu ua iuka-phe, ukala jinga mu kuimba ni kutana.

Jisabhu 4:19

O njila-phe ia akua kubhanga kiaiibha mukua ni usuku-ua-nzumba; a di bhukana ku kima, maji ka kʼijiia mba kima kiahi.

Josuué 23:13

tumenu-phe ku kʼijiia, kuma Jihova Nzambi ienu, ka kà mi kaiesela dingi o ifuẋi iii ia mi kala ku mesu; inda ia kà mi kala kiá mubhetu, mukàla, kibetu mu jimbanji jenu, i di bhanga mukua ni mínha mu mesu enu; katé ki mu jima o mbutu, o ixi ia uabha kiki ia mi bhana Jihova Nzambi ienu, anga mu i xa muene.

I Nzuá 5:18

Tua kʼijiia kuma muthuu uoso uala monʼa Nzambi, ka xikina kuta ituxi, mukonda muthu uoso a mu vuala kua Nzambi, Monʼa Nzambi u mu langa, o Diabhu ió mukua kutondalesa ka tena ku mu kuata.