Jisabhu 22:12 - O Mikanda Ikola

¹² Mesu ma Jihova, ma tambula konda ia muthu ua tetuluka; maji o maka ma mukua phulu-phe, u a ta kavuanza.

Jisabhu 22:12 ပူးပေါင်းရင်းမြစ်များ

II Jisobha 6:9

Maji-phe o muthu ua Nzambi u tuma kuambela sobha ia Izalaiele, uixi: Di lange! Ku bhite bhu kididi kia nganjʼokio! Mukonda akua Sídia a kulumuka kueneʼoko.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Nehemiia 4:9

Etu-phe tua sambela Nzambi ietu, anga tu bhaka athu mu ku a langidila, ni mʼusuku ni mu muanha.

Jisabhu 11:3

O kidi kia athu aiuka, kiene kia kà endesa; maji o uendelu ua lusebu, u bhekela atondadi kusekala.

Jisabhu 22:11

Uoso u uabhela kuzela muẋima, anga u kala ni kuzuela kua kilendu, katé ni sobha muene u kala kamba diê.

Jisabhu 22:13

Musònde uila: Bhu kanga bhuala hoje, nga vula kufuila mu nzuanga.

Jipoxolo 5:39

Maji se kua tundu kua Nzambi-phe, mu a lémbua ku a tolola, kuma mu kubhanga kiki, muanda kusota kubhanga ni Nzambi! Muene anga a mu xikana. Kionge kioso anga kʼ ivua kia zuela Ngamadiiele.

II Tesalonika 2:8

O kia kà zubha ku mu katula-ku, kiene kia kà tukuluka o Kisueiʼokio, u bhinga Ngana Jezú kià kèza ua kà mu jibha ni muha ua dikanu diê, ua kà mu bhuisa-ku ni kisuma kia kutukuluka kuê-muène.