Jisabhu 20:7 - O Mikanda Ikola

⁷ Muthu ua iuka, uendela mu kuiuka kuê, ió kuzediua u ku xila anʼê, muene kia tunda-ku.

Jisabhu 20:7 ပူးပေါင်းရင်းမြစ်များ

Jisálamu 112:2

Anʼê a kala mazonda mu ngongo, muiji ua ió emana o mixima nzanza, u zediua.

Jisálamu 37:26

Kumbi dioso u kuatela henda, u bindumuna akuâ atate, o mbutu iê i zediua kiengi.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Jisabhu 19:1

Ngadiama ua kambe mangonha uala kota ku ujitu, kuindi o semenhi ia dikanu ua di bhange o ndaxi.

Jisabhu 13:22

Muthu uambote-phe, uxia undundu ku ana ni ku aláula; maji umvuama ua mukua-ituxi, uòlunde phala ni u xialela ku ió uaiuka.

Jisabhu 14:2

Uoso uenda ni muẋima ua iuka, muene ua mu xila Jihova; uoso-phe uenda mu njila ja kubhengalala, ió ka suu Nzambi.

Jisálamu 15:2

U kala muthu ua tenena mu kuenda kuê, mukua kukalakala ima iaiuka, u tanga kidi ni ku muẋima.

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Jisálamu 26:1

Ngi lúngise, Ngana, ua ngi mono o kuenda kuami, ki nga bhalumuna mulonga; nga dielela muene kua Jihova, sé kuvula ilunji.

Izaía 33:15

Kikale uoso uenda ni kuiuka, ni ió u zuela ima iafuama o kidi; uoso u texi dikanga o nganhu ijila mu ku bhûnda, uoso ka xikina kitadi kioso-kioso kia diminhinu bhu maku mê; uoso u xita o mátui mê phala kʼevue maka ma kubhubhisa manhinga, anga u jika o mesu mê phala ka mone ima ia-ibha,

Jisálamu 26:11

Eme-phe nga mesena ki ngi kala ni ikuma; ngi kudile bhuoso bhu nga tatela, u ngi kuatele henda.

Jobe 1:1

Kua kexile muthu, mu ixi ia Uze dijina diê a muʼixana Jobe. Muthu iú ua kexile kidi, muthu ua iuka, mukua uoma ua Nzambi; o ia ibha u i lenga.

Jisabhu 14:26

Muthu mu kuxila Jihova mua mu kala kidielelesu kia kolokota; ni anʼê a sanga jinga disuamenu mua muene.