Jisabhu 20:3 - O Mikanda Ikola

³ Muthu o milonga u i lenga luelu, nʼu bongo o ujitu; maji o iôua-phe a j uabhela o ku di vubula mu jimvunda.

Jisabhu 20:3 ပူးပေါင်းရင်းမြစ်များ

Dimatekenu 13:7

Abidi a ibhaku ia Mbalamu, ni abidi a ibhaku ia Lote, anga a kala mu di kuata-kuata; kienhokio-phe ni Makanana ni Mapelezi ene hanji a tungu mʼoxi iâ muenhomo.

Dimatekenu 13:8

Mbalamu anga u ambela Lote, uixi: Ki bhu kale jimvunda bhuʼaxaxi ka eme ni eie, bhuʼaxaxe ka abidi a ibhaku iami, ni abidi a ibhaku ié, mukonda tuala tu jiphange.

II Jisobha 14:9

Maji o Jehouaji, sobha ia Izalaiele, ua tumu kuambela Amaziia, sobha ia Juda, kuila: O mungènhe uène ku muxitu ua Libanu ua tumu kuambela o musédulu uène ku muxitu ua Libanu, uixi: Bhana monʼé ua muhatu, a kale mukaji-a-monʼami; maji-phe o iama ia mukáu, ia kexile mu muxitu ua Libanu, ia bhiti, i ia diotela o mungènhe bhoxi.

Jisabhu 14:17

Muthu u thathamana lusolo, u zanga ima; o mukua ilunji ia mudiangu, athu a mu kuma.

Jisabhu 14:29

Muthu u kokoloka o kutema, ió muene o hete ia dikota; uoso-phe ka nange kuthathamana, ió uoua uê u dianeka.

Jisabhu 16:32

Muthu u xididika uala kota, kindanda ndenge; o utolola muẋima uê uala kota, uatolola mbonge ndenge.

Jisabhu 17:14

Mvunda bhu iandekela, mukua n: kubula mumba ua menha; tula-phe o ku di ẋokuesa ni mukuenu, kiosuiki mvunda kiluua ibambuka.

Jisabhu 18:6

Mizumbu ia semenhi i mu sotela jimvunda, o dikanu diê di mu kengela kibetu.

Jisabhu 19:11

Muthu uadimuka, ki mu bateka o njinda, o kutetuluka kuê; o kuloloka o itondalu ia akuâ, uene o ujingilu uê.

Jisabhu 21:24

Mukua ukumbu, ua di zangeleka, a mu luka mukua kasekelu mukonda mukua kusekalesa akuâ.

Jisabhu 26:17

O muthu uala kubhita njila iê, anga u di ta mu mvunda ia athu engi, ua soko mukuâ ni muthu u kuata ma mátui o ímbua iangene ia mu sombokʼê.

Efezo 4:32

Inda kota o ku di kuatekesa mudienu, ni ku di xinganeka. Muenda ni ku di loloka, kala Nzambi kia mi loloka enu mukonda dia Kristu.

Tiiaku 3:14

O ki kala-phe enu mu kala ni difutu, ni kulula, ni kudiuabhela kia ngó enu-enu mu miẋima ienu, ki mu di ximane-phe, ki mu kale mu kuta makutu.

Tiiaku 4:1

Kuebhi ku tunda o ita ni jimvunda mudienu? Ku ia tundu manhi ki kuenhuku, ku jihânji jenu jaiibha ji lua ita mu idiandu ienu?