Jisabhu 2:6 - O Mikanda Ikola

⁶ Kuma Jihova muene u bhana o unjimu; o mu kanu diê muene mu tunda o kuijiia, muene mu tunda o kilunji.

Jisabhu 2:6 ပူးပေါင်းရင်းမြစ်များ

I Jisobha 10:24

mundu uoso anga a sota kumona o pholo ia Solomá, ni kuívua o kuijiia kuê, kua mu tele Nzambi ku muẋima uê.

I Jisobha 3:12

talesa, ngi ku bhanga kioso ki ua zuela: Ngi ku bhana o muẋima ua kuijiia kinéne ni kutongoloka katé kibhinga eie ku moneka luiadi, ni ku iá oso a ku bhingana, ki bhuà kala mukuenu u soka-nê.

I Jisobha 3:9

O ki ngalʼiki, Ngana, ngi bhane, ngi mubhikʼé, muẋima ua kutongoloka mu kufúndisa o mundu ué, phala ni unjimu uoso, ngi tene kutungula kia kidi ni kia makutu; kuma nanhi ua kambe unjimu, u ki tena, kia kufudisa o mundu ué uavulu kiki?

I Jisobha 4:29

O Nzambi anga u bhana Solomá kuijiia ni kutongoloka kuavulu ni muẋima uakulu mu kutetuluka mukuâ ni kisékele ku ndundu ia kalunga.

I Malunda 22:12

O Jihova-phe a ku bhane kiá ngoho o unjimu ua kuijiia ni kutongoloka, a ku longese bhu kaẋi ni Izalaiele, kioso ki ukala mu ku a tumina, mbé ubhake o kitumu kia Jihova, Nzambi ié.

Ejidala 7:25

Eie-phe kiá, Ejidala, mu kuijiia ku uala na-ku, kua Nzambi ié, kuala bhu lukuaku lué, u sola atumini ni afundixi, aia ni kufundisa athu oso ala ku sámbua diodio dia honga ia Ufalate, oso kiá ejiia itumu ia Nzambi ié-eie; o ió uoso ua kambe ku ijiia, mu muʼijidisa na-iu.

Nehemiia 7:5

Bhenhobho Nzambi iami ngivua ua ngi te ku muẋima kuila ngi bhongolola jingana, ni makota a jingana, ni kifuxi kia mundu uoso, nda a a soneke mu jingu jâ ja Vumu. Anga mu divulu dia jingu ja vumu, ja oso a diangele kuiza, ngi sanga muʼòsoneke, kiki:

Jobe 12:13

O Nzambi muene uala ni kuijiia ni nguzu; muene uala ni phangu-ni-ndongo, ni unjimu.

Jobe 12:16

O nguzu ni kuijiia iala ni muene; ene oso a mu tokala muene, ku tale uoso u tondala uixi ió uoso u tondalesa.

Jobe 22:22

Nga diondo, xikina mulongi ua dikanu diê, maka mê u ma te ku muẋima ué.

Jobe 32:8

Ni kidi muene, moxi dia muthu muala nzumbi, o nzumbi ia Muteni-a-Ioso iene i mu bhangesa o kutongoloka ni kuijiia.

Jisálamu 119:104

Mu ijila ié muene mu nga kuatela o kilunji; njila ja kujimbidisa eme nga di zembe na-ju.

Jisálamu 119:34

Ngi bhane kilunji, ngʼaluke o ngonge ié; ngi ta-ku muene muẋima uami uoso.

Jisálamu 119:98

Eie, mu itumu ié u ngi bhana kuijiia, jinguma jami ndenge; kuma o jinguma ki jene mu kamba.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Jisálamu 19:8

Ijila ia Jihova ia tetuluka, i bheka ngalasa ku muẋima; kitumu kia Jihova kiazele, ki muikina o mesu.

Jisálamu 51:6

Eie-phe ua bhingi kidi ki kala katé ni ku muẋima; moxi, mua kambe kumoneka ku athu, eie muene mu ua ngi longela o kaiula.

Jisálamu 94:10

Mukua kulonga madiembu, muixi ka bazela? Muene muene u longa o muthu kilunji, kífua u lémbua o kuijiia?

Makatukilu 31:3

muene-phe nga mu izalesa ni Nzumbi ia Nzambi, mu uhete, ni kutongoloka, ni kuijiia, mu ufunu uoso ua kuiudika,

Jisabhu 6:23

Kuma kitumu kandeia, o ngonge mukengeji; o kubazela kua ku ku iukisa, iene o njila ia muenhu.

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Izaía 54:13

Anʼé oso a kala maxibulu a Jihova; o kutululuka kua anʼé kua kà di-xala.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Daniiele 1:17

O minzangala iuana ienhiʼii, Nzambi anga ua a bhana kuijiia ni kutongoloka mu mixinda ioso ia kusoneka ni mu unjimu; maji o Daniiele ua mu tela-ku o kilunji kia kutetulula isuma ni jinzoji.

Daniiele 2:21

Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

Daniiele 2:23

Uixi-phe: Eie, Nzambi ia jitata jami, Tana-ku, eme ngi ku tumbula fuma! Kuma eie ua ngi bhe unjimu ni nguzu; mukonda o ki tua ku bhingi, eie ua ngʼijidisa-kiu, mbata ua tu lomboluela kioso kia katela sobha ku thulu iê.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Nzuá 6:45

Kiôsoneke mu divulu dia Jipolofeta, exi: Ene oso à kala òlonge kua Nzambi. Kienhiki, uoso uevu kua Tata, iu ua di longo kiá kua muène, uiza ko-kuami.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.