Jisabhu 2:3 - O Mikanda Ikola

³ se u di ta mutendu mu sota o kuijiia, anga u suinisa dizui dié mu sota o kutongoloka,

Jisabhu 2:3 ပူးပေါင်းရင်းမြစ်များ

I Malunda 22:12

O Jihova-phe a ku bhane kiá ngoho o unjimu ua kuijiia ni kutongoloka, a ku longese bhu kaẋi ni Izalaiele, kioso ki ukala mu ku a tumina, mbé ubhake o kitumu kia Jihova, Nzambi ié.

Jisálamu 119:125

Ngi selevende ié muene; ngi bhane kilunji, phala o umbangi ué ngʼu ijiie kiambote.

Jisálamu 119:169

Kudikola kuami, Jihova, ku ku bhixila bhu pholo ié; ngi bhane kutongoloka kala ki ua ki tanga.

Jisálamu 119:34

Ngi bhane kilunji, ngʼaluke o ngonge ié; ngi ta-ku muene muẋima uami uoso.

Jisálamu 119:73

Maku é ene a ngi bhanga, ia a ngi sokejeka; ngi bhane kilunji kia ku di longa o itumu ié.

Jisabhu 2:2

phala ute mátui mé ku unjimu, ni ku lungisa muẋima ué mu kubatekela;

Jisabhu 2:4

se u sota o kutetuluka kala kia sota phalata, anga u sota ni muanu kala kia sota jimbongo jʼòsueke,

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Jisabhu 4:1

Enu anʼami ivenu ulongelu ua tatʼenu, jikulenu mátui mu tambule kilunji.

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Luka 11:13

Enu-phe, sumbala mua iibha miẋima, se muejiia kubhana ima iambote ku anʼenu, manhi Tatʼenu ia diulu, ka kala kota mu kubhana o Nzumbi Ikôla kua ió oso a mu bhinga?

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.