Jisabhu 2:21 - O Mikanda Ikola

²¹ Kuma athu ambote ene a kà tunga mu ngongo, oso aiuka muẋima a kà nangenena muenhomo.

Jisabhu 2:21 ပူးပေါင်းရင်းမြစ်များ

Jobe 1:1

Kua kexile muthu, mu ixi ia Uze dijina diê a muʼixana Jobe. Muthu iú ua kexile kidi, muthu ua iuka, mukua uoma ua Nzambi; o ia ibha u i lenga.

Jobe 42:12

Kienhiki, Ngana ua beta kuzediuisa kikexilu kia Jobe kia sukidila, o kia dianga ndenge; mukonda ua kexile ni kuinhi dia midi ni kiuana ia jimbudi, ni midi jisamanu ja jikamelu, ni midi ia makaza a jingombe, ni midi ia jibulu ja akaji.

Jisálamu 37:11

Oso-phe alenduka, ene a lundula o ixi; A kala ku ngalasa ni kutululuka kuavulu.

Jisálamu 37:18

Jihova uejiia o izuua ia athu a iuka; o undundu uâ u nangenena katé ku hádia ni hádia.

Jisálamu 37:22

Kuma oso a a lungisa kuala Jihova, ene a lundula ixi; oso a êlesa kuala Muene, a xikamena ku a batula-bhu.

Jisálamu 37:29

Ixi-phe i xalela ku athu iá aiuka, ene a i lundula, muene mua tunga, o thembu iâ ki ibhu.

Jisálamu 37:3

Dielela kua Jihova, enda ni kubhanga o mbote; phala u tunge ixi ienhiʼii, u kale u fiiele.

Jisálamu 37:9

Mukonda oso a bhanga ima iaiibha, a xikamena ku a batula bhoxi; oso-phe a kinga Jihova, ene a lundula ixi.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisabhu 10:30

Muthu ua iuka ka tena ku mu sendumuna, akua phulu-phe ka tena kutunga mu ngongo.

Jisabhu 28:10

Muthu uoso u bhangesa kuila athu a iuka u a luezesa anga a kutuka njila iaiibha, muene-ku ua-nda kúfua mu diêla diê dia kande; maji athu aiukʼó, o mbote a i lundula muene.