Jisabhu 19:3 - O Mikanda Ikola

³ Usemenhi ua muthu, uene u mu seluila o njila iê; o ku muẋima uê-phe, u tatela Ngana.

Jisabhu 19:3 ပူးပေါင်းရင်းမြစ်များ

II Jisobha 6:33

Kioso muene hanhi kiʼala mu kuzuela-nâ, tala, o phunga i tula, iala mu ku tuluka kua muene; hé uila, uixi: Tala, o kuiibha kuku kua tundu kua Jihova, kima kiahi-phe dingi kia kinga kua muene?

Jobe 15:13

Phala ku bilukila Nzambi, ni muenhu ué, anga uehela izuelu kala iii ku tunda mu dikanu dié-eie?

Jisálamu 37:1

Ku kale mu jiphata mukonda dia iá a bhanga kiaiibha; kuile uixi a lunguʼá akua kubhanga phulu,

Jisálamu 37:7

Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisabhu 11:3

O kidi kia athu aiuka, kiene kia kà endesa; maji o uendelu ua lusebu, u bhekela atondadi kusekala.

Izaía 32:6

Mbata o seletete uzuela useletete uoso, o muẋima ue u bhanga ima ia kubhuma, ndunge iê o kubhanga mangonha, katé ni Jihova u mu tanga ibhengèle, ukakula mukua-nzala, o mukua-dinhota u mu kambesa o menha.

Kuditenda 3:39

Muthu ua muenhu u kuatela-hi-phe ku ditata? Inda muthu ni muthu a di tate mukonda dia ituxi iê!

Izekiiele 18:25

Enu-phe muexi; O njila ia Jihova ki ia iuka kiambote ditônono. Kindala-phe, ivuenu enu mu dibhata dia Izalaiele: Manhi o njila iami ki iala ditônono? Mbé o njila jenu ki jene ja bhengajala?

I Samuuele 13:13

Samuuele anga u ambela Saúlo, uixi: Ua bhange uoua; ua kambe kubhaka o kijila kia Jihova Nzambi ié, kioso kia ku tumu; kuma Jihova hinu ueje kukolesa o utuminu ué mu Izalaiele ni u nangenena.

I Samuuele 15:23

Kuma o kuxibhaka mukuâ ni kituxi kia uoloji; o kubhukumuka, mukuâ ni kudianguka ni iteka mba kubheza mahamba mʼonzo. Kaia kiki, mukonda eie ua ditunu kuíva o kizuelu kia Jihova, muene ue ua ditunu ku ku bhaka ku usobha phala ku kale dingi ku ungana.