Jisabhu 19:2 - O Mikanda Ikola

² O uximba-phe ue, ua kukamba o unjimu ku muẋima, ua iibha; o mukua ku sakamesa inama iê ni kuenda, ka nange kuzanga.

Jisabhu 19:2 ပူးပေါင်းရင်းမြစ်များ

II Jisobha 4:39

Kiene ʼokio-phe, umoxi u tunda, uia ku mukáu mu ku kanza izàza, u sanga-ku lumbômbo lua muxitu, u kanza o máfue mê, hé uizalesa o homba iê, anga uiza u ma batuijila mʼombia ia muzonge, kuma ka mʼejidile.

Jobe 31:5

Se ngende ni mangonha, se kinama kiami kia lengela kuia mu kutobhesa muthu.

Jisabhu 1:16

mbata o inama iâ i di sungila mu kubhanga phulu, o kieza mu kuzunza o manhinga a sakalala.

Jisabhu 10:21

Mizumbu ia muthu ua iuka, i dikila mundu; o ioua-phe, mukonda dia kukamba kilunji, afua.

Jisabhu 14:29

Muthu u kokoloka o kutema, ió muene o hete ia dikota; uoso-phe ka nange kuthathamana, ió uoua uê u dianeka.

Jisabhu 21:5

Mukua muanu, o ixinganeku iê i bhangela kuvudisa nzungule ia jimbote; maji o ixinganeku ia mukua dimuámua ni lusolo-lusolo, i mu xila ngó uadiama.

Jisabhu 25:8

Kana kusakamena kuia mu kufunda dimanda, sumba bhu bhuila o maka, eie u lémbua kia ku bhanga, mu kuila mukuenu ua ku belesa kiá.

Jisabhu 28:20

Muthu u kala ni kitongola, hinu u bonga mabesá ma nzungule; maji uoso-phe u di sukila kuta jimbongo mu lusolo, kindala u bonga milonga.

Jisabhu 28:22

Muthu kia kala ni diesu diaiibha, dia luimbi, u di ta mazalu mu kuata jimbongo; ka kʼijiia-phe kuila uadiama ua mu kinga ku pholo ku aia.

Jisabhu 29:20

Eie ua mono muthu mukua kuzuela kua lusolo, muenhó sembele o kiôua u beta ku mu dielela, dikue muene.

Ndongixi 12:9

O ndongixi iú, mu kuijiia kinéne, ua longesa ue kuijiia kua vulu dingi ku athu; ua talesa iú ua tongolola, iú ua soneka jisabhu ja vulu.

Ndongixi 7:9

Kana kulenguluka ku kala ni njinda mu muenhu ué, kuma o njinda ia tunga bhu homba ia maióua.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Loma 10:2

Mukonda eme ngi mbangi iâ kuma Nzambi a mu suinina kiavulu muene. Maji o kusina kuâ kuene kua kukamba kutongoloka kua kidi.

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,