Jisabhu 18:5 - O Mikanda Ikola

⁵ Ki kiauabha o kusuua kisuéia mu kufunda milonga, phala ku kundula o muthu ua iuka.

Jisabhu 18:5 ပူးပေါင်းရင်းမြစ်များ

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Jisálamu 82:2

Mu ki jijidila-hi o kufundisa ni mangonha, hé milonga mu i diodia mu kulungisa o isuéia?

Makatukilu 23:2

Kana kukaiela kizulututu kia mundu, mu bhanga kima kiaiibha; né mu kufúnda, kana ku kaiela o mundu a mesena kudiodia mulonga.

Makatukilu 23:3

Né mu kubatuila ngadiama, ku mu lungisa, se ua kambe kulunga.

Makatukilu 23:6

Kana kudiodia mulonga, phala ngadiama nʼa kambe kulunga, se uala ni kidi kiê.

Jisabhu 17:15

Moxi o muthu u lungisa o kisuéia, kadi o muthu uelêsa o muiuki, kiiadi kiá k muene, Jihova ua di zemba-nâ.

Jisabhu 17:26

Muthu ua mbote, o ku mu bhanga kiaiibha, kikôla! O jingana ue ki kia a fuama kuhohesa muthu u bhanga kia iuka, mukonda dia kuiuka kuê.

Jisabhu 24:23

Jiji ue jene o jisabhu ja jingijiie; exi: O kukala ni katungu ka athu bhu kibhuna kia kufundisa milonga, koko kuzanga.

Jisabhu 28:21

O kuxila athu mukonda ngó dia jipholo, ki kiauabha; kuma mukua katungu ka athu, ua soko-bho kuta kituxi, mukonda ngó dia kakibhasu ka mbolo.

Jisabhu 31:5

Phala ki kibhite kuila ela anua, a jimba o kitumu anga a selula o kidi kia tokala kulungisa o jiphulungu.

Izaía 5:23

ni ió oso a lungisa mukua phulu, kabasa ua a bhana diminhinu; o ua lungu anga a muʼelesa!

Izaía 59:14

Kienhiki o ufundisilu ua kidi ua vutuka kuema, o kuiuka kua di takula dikanga, mukonda o kidi mu nzunga kia muia ni ku-dibhukana, o ku sokelela ki ku xikina ku bokona.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Mikeia 3:9

Ivenu-kiu-phe kindala enu atumini a dibhata dia Jakobo, ni enu mu makota ma dibhata dia Izalaiele, mua dizemba ni kubatula kua iuka, anga muila o ioso ia iuka enu mu i lunguluila muengi.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.