Jisabhu 18:3 - O Mikanda Ikola

³ Muthu ua bhumu o kienda, lusebu lu mu kaiela; ki ku tunda o dilebhu, ku kaiela o sonhi.

Jisabhu 18:3 ပူးပေါင်းရင်းမြစ်များ

Nehemiia 4:4

Ivua-ze, eie u Nzambi ietu, ki a kuata ku tu tènda, o kulebhula kuâ kua tu lebhula na-ku, ku lundumukine mu mútue uâ, hé u bhangese ene ku di bhanga mbole, mu ixi mu a-nda ku a sumbisa ku ubhika.

Jisálamu 69:20

Malebhu a ngi tolola o muẋima moxi, kihongo kia ngi kuata kala kia kukata; nga tale uoso u ngi kuatela henda, maji ki bhuala muthu; o u ngi konda malamba, ki ngi mu mono.

Jisálamu 69:9

Kuma o muanu uaʼnzo ié uene ua ngi di, o manongo a ió a ku nongena eie, a ngi tula eme ku thandu,

Jisabhu 11:2

Bhuoso bhua tuama ukumbu, hádia bhu kaiela ue dilebhu; maji oso a di tululula, ene adimuka.

Jisabhu 13:5

Muthu uaiuka, maka ma makutu u di zemba-nâ; mukua-phulu-phe ukuma, mbata u di bhekela sonhi.

Jisabhu 18:2

Kiôua ua di zemba ni kubatekela o diba; muene uinda ngó ku di londekeza o uôua uê, ua mu kala mu muẋima.

Jisabhu 18:4

Hete ia diiala, o maka mê mukua ni ngiji iazongo; o fixi ia unjimu, mukua ni dibhubha dia menha.

Jisabhu 22:10

Semenhi mu kaie, phala mvunda isuke; kuma muene ki aia, ni mulonga uabhu; ni kusonoka o pholo ue kuabhuku.

Jisabhu 29:16

Isuéia kioso ki i sokoloka, ni milonga ue i sokoloka; maji o kibuika kia enhó, athu a iuka hinu a ki mona mesu.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.

I Phetele 4:4

O kiki-phe akua mundu a mi diuana, hé a kala mu ku mi tobhesa ni ku mi lebhula, kioso enu ki mu kamba kudibunda-nâ mu muenhu uâ ua ufusa ni kudianguka.

I Samuuele 20:30

Bhenhobho njinda ia Saúlo i uamena Jonata, uixi: Eie u monʼa muhatu uathathamana, ua xibhaka, kifua eme nga kambe ku kʼijiia kuila eie ua solo monʼa Jese muenhó ku ukamba, phala ku di bhekela jisonhi eie muene, ni kubhekela jisonhi ku tuẋi ia mamʼenu.