Jisabhu 17:3 - O Mikanda Ikola

³ Phalata a i tunguila bhu dizunzilu, o ulu a u tunguila bhu mbèmbu; maji Jihova muene mukua kutungula o miẋima ia athu.

Jisabhu 17:3 ပူးပေါင်းရင်းမြစ်များ

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

Jobe 23:10

Maji muene-phe o njila iami ua ijiia; se muene ua ngi lolele, ngeje kutunda utadi ua ulu mukuá.

Jobe 28:1

Kidi muene, phalata iala ni ididi iê mua ku i kanda, o ulu ua kuzunza uala ue ni kididi kiê.

Jisálamu 139:23

Nzambi ngi solokote, u ngʼijiie muẋima moxi; ngi lole, u ngi tongolole o ilunji ioso;

Jisálamu 26:2

Ngi tokuese, Johova, u ngʼijiie; ngi tekule muẋima ni ilunji.

Jisálamu 66:10

Kuma eie, u Nzambi, ua tu bhitisa hanji ku polova; ua tu kenzulula kala kiene kubhanga o phalata mu túbhia.

Jisabhu 15:11

Se ni ditungilu dia madifundu ni dibuikilu, kiiadi kiâene bhu pholo ia Jihova, kuambe dingi o miẋima ia anʼ athu?

Jisabhu 16:2

Muthu kia tala o jinjila jê joso, uila ja zele muene; maji o Jihova-phe, muene mukua kuzonga miẋima bhu longa dia pezu.

Jisabhu 17:2

Mubhika uala ni masunga, u tumina ni ku thandu dia monʼa ngana u bhanga ima ia jisonhi; undundu ua tokala jiphange, ni muene u tambula-ku dikanda.

Jisabhu 21:2

Muthu kia tala o jinjila jê joso, u ji mona kuila ja uabha muene; maji Jihova u solokota muene katé bhua suku o miẋima.

Jisabhu 27:21

Phalata a i tunguila bhu dizunzilu, o ulu a u tunguila mu túbhia tua muzukuta; o muthu-phe a mu tunguila bhu kaẋi ni kia mu ximana kuala akuá.

Izaía 48:10

Talesa, nga ku zelesa kiá, kana kala kia zunza o phalata; eie nga ku lolela mu muzukuta ua dilamba.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Izekiiele 22:18

Monʼa diiala, tata, o muiji ua Izalaiele, phalʼeme, ua di bhange dixidilu; ene oso a di bhange ngòndo, edi kala utenda-utadi ni ximbu iala mu kaxi ka dijiku; a kituka kiá ngoho tuji tua zunzumuka ku phalata.

Daniiele 11:35

Amoxi ku athu a tetuluka kilunji a kà dibhala, mbé o ku a lola kujiza kuâ phala ku a eẋika ni ku a zelesa-phe, katé bhua kà bhuila o kithangana, mukonda o thembu ia dizubhilu ki iza, katé bhu kithangana kiê kioso kia tokala kia i xindi.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Matendelelu 8:16

Muene ua ku dikila ni maná mu kikangalakata, maná ia kambele adiʼenu ku iʼjiia, phala ku mi tululula ni ku mi lola ni jingongo ja vulu mbé ku dizubhilu a mi bhange o mbote.

Matendelelu 8:2

Xinganeka phala u kale mu lembalala njila ioso ia mi bhitisa Jihova Nzambi ienu, mu makuinhi auana a mivu osoʼâ mu kikangalakata, phala a mi bateke, nda a mi lole, mbé o kuijiia kioso kia mi kala ku miẋima moxi, mba mu xikina kutumaka ijiia iê, mba kana.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.