Jisabhu 16:5 - O Mikanda Ikola

⁵ Muthu uoso ua di zangeleka mu muẋima, u di bhanga kisunji kua Jihova; né-mbe maku mê u ma bunjika bhu thulu, sai hanji mulonga uê kua Nzambi.

Jisabhu 16:5 ပူးပေါင်းရင်းမြစ်များ

Jobe 40:12

Tonginina oso a di zangeleka, eie u a bhane kusebuluka, akua phulu diota na-u ku thandu bhu kididi kiâ.

Makatukilu 20:7

Kana kutumbula dijina dia Jihova, Nzambi ié, mu kingoho; mukonda kua Jihova kà kamba kuêla uoso u tumbula o dijina diê mu kingoho.

Jisabhu 11:21

Kisuéia né-mbe maku mê ua ma koteka bhu muẋima, hanji kà kamba mulonga; maji o mbutu ia athu a iuka, ia kà bhulaka.

Jisabhu 16:4

Jihova ima ioso ua i iudikila ni dizubhilu diê dia i tokala; katé ni mukua phulu, o bhuilu diê o kizuua kia jingongo.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 6:29

Kiene-phe kibhita ni uoso u di-bonga ni mukaji a mukuá; kà kamba kikuma, uoso ngó u mu tuta lukuaku.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 2:12

Mukonda o kizuua kia Jihova dia Ilômbo Ieta, kuila kieza-bhu, ni mukua ukumbu, ni mukua katènda, ni ió uoso mukua izala, ene-oso a kà a tululula muene.

Izaía 3:11

Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Jelemiia 13:15

Batekelenu, mu bhane mátui: ki mu di zangeleke; kuma Jihova ua zuela.

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.