Jisabhu 16:2 - O Mikanda Ikola

² Muthu kia tala o jinjila jê joso, uila ja zele muene; maji o Jihova-phe, muene mukua kuzonga miẋima bhu longa dia pezu.

Jisabhu 16:2 ပူးပေါင်းရင်းမြစ်များ

Jisálamu 36:2

Kuma o muthu mu kuxinganeka kuê, u di bhomba kuila kituxi kiê ki kia-nda kutukuluka, phala athu ku mu sebulula.

Jisabhu 12:15

Kioua uendelu uê-muène u u mona kuiuka; maji uoso uividila kiambote o ku mu longa, muene muthu ua dimuka.

Jisabhu 16:25

Sai njila muthu u i fika kuiuka, maji o bhuilu diê-phe, iene o ikoka ia kalunga.

Jisabhu 17:3

Phalata a i tunguila bhu dizunzilu, o ulu a u tunguila bhu mbèmbu; maji Jihova muene mukua kutungula o miẋima ia athu.

Jisabhu 21:2

Muthu kia tala o jinjila jê joso, u ji mona kuila ja uabha muene; maji Jihova u solokota muene katé bhua suku o miẋima.

Jisabhu 24:12

O ki uila uixi: Manhì diâ! manhi ió mukua kutala o miẋima, kanda ku ki bhanga konda? Ió mukua kulonda o muenhu ué, ka-nda ku kʼijiia? manhi muene muthu kioso ki a bhanga ki kiene kia mu vutuila?

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Jisabhu 5:21

Mbata mauendelu ma muthu-phe mene ku mesu ma Jihova; muene ukala mu kutongesa muoso mu bhita o muthu.

Izaía 26:7

O njila ia muthu uaiuka, iene ioso i sokelela kiambote. Eie, o uendelu ua muthu uaiuka, uene ku u zonga ni kuiuka kuoso.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Daniiele 5:27

THEKEL: Eie a ku pezala ku pezu, a ku sange kua tenena.

Dialuilu 22:32

Anju ia Jihova anga u mu ambela, uixi: Bulu iê ua i betela-hi lutatu luosʼulu? Talesa, nga tundu mu ku ku fudisa, mukonda njila ié nga i mono ia kuxibhaka ku pholo iami.

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Dijingunuinu 2:18

O Anjo ia Ngeleja ia Tiiatila, mu sonekene kiki: Eme Monʼa Nzambi, uala ni mesu mê medi kala mulengu ua túbhia mu kubenha, ni inama iê mukuâ ni utadi ua ngôndo ualuendela, uambe kiki:

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

Afundixi 17:6

Mu izúua ienhoio ki muala sobha mua Izalaiele; kala muthu-phe u bhanga kioso kia mu uabhela, kia mu iukila mu mesu mê.

Afundixi 7:6

Ia-phe oso a kabula menha, o lukuaku luene luala kubhiẋidisa menha mu kanu, a tena hâma jitatu ja mala; mundu ua mukuá ene oso a fukama ku jiphuna mu kúnua.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu