Jisabhu 16:1 - O Mikanda Ikola

¹ Ima ioso i xinganeka o muẋima, i tunda ku muthu; maji o kuvutula kua kidi kua hundu ia dikanu-phe, ku tunda kua Jihova.

Jisabhu 16:1 ပူးပေါင်းရင်းမြစ်များ

II Samuuele 7:5

Ndeie, kà tangele selevende iami Davidi: Eme Jihova uambe kiki: Manhi eie u ngi tungila inzo mu ngi kala?

II Malunda 18:31

Anga ki bhita kuila, o jikabhitangu ja makalu, kia mono Jozafate, exi: Iú muene sobha ia Izalaiele; anga a mu kondoloka phala kubhânga-nê; maji Jozafate ua dikola, Jihova iú ua mu kudila. Nzambi ua a isa kuengi.

Ejidala 7:27

Jihova, Nzambi ia jitata jetu a tane-ku! Ua lungulula muẋima ua sobha kala kiki! Phala ku kembesa inzu ia Jihova, ia kala mu Jeluzaleme;

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Jobe 17:11

O izuua iami ia bhiti, o ima ioso i ngandalele kubhanga ia di boto, ni ioso ia semene o muẋima uami ki ia xikina dingi.

Jisálamu 10:17

Eie-phe Jihova, uevu kioso kiala kuinda abelesela; eie muene ua a sungu muẋima, mu kuditenda kuâ eie u a evua.

Jisálamu 119:36

Muẋima uami u zuame ku umbangi ué, ki u zuame ku ima ia luimbi.

Makatukilu 4:15

Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Jisabhu 15:33

Uoma ua Jihova kiene o kikômbo ki bheka o unjimu; uinda o kijingo u dianga kubatama.

Jisabhu 16:9

O muẋima ua muthu, u xinda o njila iê ia kuenda; maji Jihova muene u mu tesa díkanda diambote.

Jisabhu 19:21

Mu muẋima ua muthu mua vula jiphangu, maji o kioso kia xindi kuala Jihova, kiene muene ki xalela.

Jisabhu 20:24

O mauendelu ma muthu-phe, Jihova u ma tambula konda; muthu-phe u tena kiebhi ku tongolola o njila iêmuène?

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Jelemiia 10:23

Jihova, tata, eme ngejiia kuila o njila ienda o muthu ki iene bhu lukuaku lua muthu-muène, mba muthu kienda, muene u tongesa o makanda mê-muène.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.