Jisabhu 15:9 - O Mikanda Ikola

⁹ Njila ia muthu uabhumu, kua Jihova kisunji; maji muene-phe ua diuabhela ni uoso u kaiela o kuiuka.

Jisabhu 15:9 ပူးပေါင်းရင်းမြစ်များ

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 11:7

Kuma Jihova uaiuka, uinda ioso i kala ia kuiuka; oso emana miẋima nzanza, ene ngó a kà monà pholo iê.

Jisálamu 139:24

Ngi tangele, se ua ngi mono ngala kuila muengi; u ngi kutukise mu kikoka ki nangenena.

Jisálamu 5:5

Akua izala ka tena kuimana ku mesu mé; eie ua di zemba ni ene oso akalakala ituxi.

Jisabhu 15:10

Uoso ulueza o njila, o kibetu kiê kivula; uoso-phe kia mu tangela kʼevu, ua xikamena kúfua.

Jisabhu 21:21

Uoso u kaiela o uiukilu, nʼa jijila kubhanga o mbote, ua-nda kobonga muenhu, ni kulunga ni kijingo.

Jisabhu 21:4

Mesu a di tudika ni muẋima ua di zangeleka, kituxi; katé ni ikalakalu ia athu abhumu ue, kituxi.

Jisabhu 21:8

Njila ia muthu, mu kusekala kuê, ienda ibhengèle ioso; maji o ua zedʼió, kikalakalu kiê kifuama muene.

Jisabhu 4:19

O njila-phe ia akua kubhanga kiaiibha mukua ni usuku-ua-nzumba; a di bhukana ku kima, maji ka kʼijiia mba kima kiahi.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Izaía 26:7

O njila ia muthu uaiuka, iene ioso i sokelela kiambote. Eie, o uendelu ua muthu uaiuka, uene ku u zonga ni kuiuka kuoso.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Jelemiia 44:4

Eme-phe, abhikʼami oso, o jipolofeta, nga mi tumikisa-nâ, ngi di meneka mu ku a tumikisa ku mi tangela, kuila: Tatʼenu! Kana kubhanga kiki kia bolo ki nga ibhila eme.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Habakuke 1:13

Kuzela kuene, Ngana, ku mesu mé, kuma Eie kutené kuiala ima iaiibha mba kutonginina kioso athu kiala kutatesa akuá; abha-phe, Ngana, u lendukila kiebhi athu a bhanga kiaiibha, anga u dixibha muene kioso mukua ituxi kia minha ió ua beta kuiuka kiambote, o muene ndenge?

Matesu 7:13

Bokuenenu bhu dibhitu dia tolo, mbata o dibhitu dia kulu ni njila iazanze iia ku ʼalunga; o athu a di bokona avulu.

Matendelelu 7:13

Muene ua-nda ku ku zola, ua-nda ku ku zediuisa, anga u ku sokolola, katé ni mbutu i tunda mu divumu dié u i bhana ue kuzediua, katé ni mbutu mʼóbhia dié u i ta ue dibesá; ni masa mé ni muvide ni máji mé ni ibhaku ié ia jingombe, ni ilunga ié ia hombo ni mbudi i u kala na-iu mʼoxi ia lokela Jihova kubhana ku jitata jenu.

I Timote 6:11

Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

II Timote 2:22

Jihânji-phe ja unzangala, lenga-ju, u kaiele o kuiuka, ni kuxikana, ni henda, ni paze, kumoxi ni ene oso kiá a dikola kua Nzambi ni muẋima uazele.