Jisabhu 15:8 - O Mikanda Ikola

⁸ Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 15:8 ပူးပေါင်းရင်းမြစ်များ

II Samuuele 15:12

Abisalone anga u tuma Ahitofele mukua Ngilo, ua tokala mu makota ma jitata ku kifuandu kia Davidi; u mu tuma ku bhata diê ku Ngilo, kioso muene kiala mu bhana jisata. O kikutu kia ufe anga ki-ia ni ku kala kikutu kia nguzu; o mundu anga enda ni ku di bandekeza jinga kua Abisalone.

I Jisobha 3:10

Maka enhá anga a uabhela Ngana, kuila Solomá ua bhingi kienhiki.

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Jisálamu 17:1

Ivua, Ngana, o kidi, u Jihova tatuʼodio. Bhulakana musambu uami, ua ngi tundu ku mizumbu sé ngó makutu.

Jisabhu 10:24

Mukua-phulu kima kioso ki mu kuata uoma, kiene ki mudia; muthu ua iuka-phe Nzambi u mu bhana kioso kiendi o muẋima uê.

Jisabhu 15:29

Jihova athu a bhuma ua sanduka dikanga; maji uividila o musambu ua athu aiuka.

Jisabhu 15:7

O mizumbu ia jinjimu, i lundulula kuijiia; maji o muẋima ua ioua-phe, ki kiene ki u bhanga.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Ndongixi 5:1

Kinama kié langa-kiu, kioso ki u bokona mʼonzo ia Nzambi; beta kuzukamena o kuívua, kana kubhana ujitu ua ioua, kuma ene kʼejiia kuila a mu bhanga kiaiibha.

Mukumbi ua Mikumbi 2:14

Izá, phomba iami, tata, eie ua tunga mu jingenda ku jindanji ni mu ididi ia di sueka ku matadi a di leka, ngidikize pholo ié, bhangesa kuila dízui dié ngi dʼivua, kuma o mbimbi ié ia touala, o pholo ié i bhekela kizola!

Izaía 61:8

Mbata eme ngi Jihova, kia ngi uabhela o kuiuka, kia ngi ibhila o kubhanga kiaiibha; eme nga kà a bhana futu iâ mu kidi; anga ngi ta-nâ kikutu kià xalelà-ku.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Jelemiia 6:20

Uasu ua dizumba-phe uahi uene, ua mu ngi tundila ku Seba kuná, ni lumbungu lua beta kuiuka lua ima ia mazumba lua tundu ku jixi ja makanga? mibhaku ienu ia kuoha ki ia ngi uabhela, o jisata jenu ue ki ja ngi kala ku vondadi.

Daniiele 9:23

Kioso ngó ki uandeka o kudionda, kiene kia ngi bhana o ngonge, eme ngeza phala ku ku jimbuila-iu, mukonda eie u muthu a ku zola kinéne. Uívua-phe kiambote o maka iá, kisuma kiki ki ku tetulukile.

Ijila 7:18

Mukonda se xitu ia sata iê ia paze, ia xala, anga bhu kala muthu u dia-ku kizuua kia katatu, sata iê ka i ẋikina dingi; o muene ue ua sate kia mu-ie ngoho; i di bhanga lufuku, uoso u dia-ku u kala ni kuêla.

Mikeia 6:6

Kima kiahi ki ngiia na-kiu bhu pholo ia Jihova ni nga kà fukame na-kiu bhu pholo ia Nzambi ua suka ku ukota? Ngiza bhu pholo iê ni maujitu ma kuoha? Ngi mu bhekela tungombe tua muvu umoxi?

Mikeia 6:7

Nzambi u xikina ku mu bhomba ni jimidi ja jimbudi? Inga ngi mu bhomba ni kuinhi dià midi ia tungiji tua maji? Ngi mu bhana monʼami ua diiala ua phande-kumbi, mu mulonga uami? Mba o mbutu ia tundu mu mala diami, mu kituxi kia muenhu uami?

Ajeu 2:14

Bhenhobho Ajeu u a vutuila, uixi: Ngana uambe kuila: Kiene ue kiala o mundu uenhú, ni muiji uenhú ku mesu mami; ikalakalu ioso ia maku mâ, ni sata ioso ia ngi bhakuila eme, ia xidi muene.

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Nzuá 4:24

Nzambi Nzumbi, oso a mu bheza, ki bhinga a mu bheza mu nzumbi ni mu kidi.