Jisabhu 15:5 - O Mikanda Ikola

⁵ Kioua ka xikina kuividila ki mu bazela tatʼâ; muthu-phe u suua kia mu héula, ió uadimuka.

Jisabhu 15:5 ပူးပေါင်းရင်းမြစ်များ

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisabhu 1:23

O ki nga mi bazelʼiki, lungulukenu kiá; talesa, ngi lundulula o Nzumbi iami ku thandu dienu, anga ngi mi ijidisa o maka mami.

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 10:1

Jisabhu ja Solomá. Mona ua dimuka u bheka kusanguluka kua tatʼâ; maji mona-phe kia kala dilaji dia hatu, u bheka lamba diahi ngó kua mamʼâ!

Jisabhu 13:1

Mona ua tetuluka, uívua ki mu bazela tatʼâ; maji o semenhi-phe, kene kuívua kia mu bazela.

Jisabhu 13:18

Uoso ka xikina ku mu bazela, uaxikamena uadiama ni usuéia; maji uoso-phe u suua kia mu bazela, uaxikamena kijingo.

Jisabhu 15:4

O dimi di zuela ni kilendu, di di bhanga muxi ua muenhu; maji o dimi-phe di lula mu kuzuela, di budikisa o muẋima.

Jisabhu 15:6

Mʼonzo ia muthu uaiuka, muene mu dilundilu dia ima ionéne; maji o jimbote-phe ja mukua-phulu, jʼenda ni jingongo.

Jisabhu 19:20

Xikina kaiula, o kia ku toza, ku te-bhu phata; phala o izuua ié ia sukidila-ku, uijiiie kuenda na-iu kiambote.

Jisabhu 25:12

Mukua ni ki kala o jibixa ja ulu, ni jinzenzela ja ulu ua fina, kiene ue kia soko o kubazela kua njimu mu dítui dia uabhela o kubatekela.

Jisabhu 6:23

Kuma kitumu kandeia, o ngonge mukengeji; o kubazela kua ku ku iukisa, iene o njila ia muenhu.

Tito 1:13

Umbangi uenhú ua tange o musésedi uâ, ua kidi. Mukonda dia kiki, eie a bazele ni kutema, phala, a disanze mu kuxikana.

Tito 2:15

Imʼiii iene ima i u zuela, i u longa, u bazele ue ni uphoxi uoso, oso ala ku ku ivua. Ki bhu kale muthu a ku tènde.