Jisabhu 15:4 - O Mikanda Ikola

⁴ O dimi di zuela ni kilendu, di di bhanga muxi ua muenhu; maji o dimi-phe di lula mu kuzuela, di budikisa o muẋima.

Jisabhu 15:4 ပူးပေါင်းရင်းမြစ်များ

Jisálamu 109:22

Mukonda ngi ngadiama, ngi phulungu, a ngi kuama katé ni muẋima moxi.

Jisabhu 10:11

Dikanu dia muthu ua iuka, ndunga ia muenhu; dikanu-phe dia athu a bhumu dia sueka uséia.

Jisabhu 12:18

Sai athu, uzuelela uâ u toma ku miẋima kala jiphondo ja xibhata; dimi-phe dia jihete ja kuzuela, di bheka kudisanza.

Jisabhu 15:3

Mesu ma Jihova, mala mu ididi ioso, ni kukengelela athu aiibha ni athu ambote.

Jisabhu 15:5

Kioua ka xikina kuividila ki mu bazela tatʼâ; muthu-phe u suua kia mu héula, ió uadimuka.

Jisabhu 16:24

Maka ma kilendu, kixila kia uemba; ma toualesa muenhu, anga mʼelukisa ifuba.

Jisabhu 18:14

Muthu ki mu bhetula mu kukata, o muẋima uê-muène; maji se muẋima ua budika, mukuahii u tena ku u bhetula?

Jisabhu 18:8

Maka ma mbombo-kumbodi, mukua ni dikoka dia touala, a somboluela katé mu mídia.

Jisabhu 26:22

Maka ma mukua jimbuémbue, ma di bhanga mukuâ ni dikoka dia touala, di somboluela katé mu mala.

Jisabhu 3:18

Oso a u kuata, a bongo muxi ua muenhu; azediua athu oso a u jijila.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

I Timote 6:3

Se bhu kala muthu u kuata kulonga ulongelu uengi, ka xikana o maka madisanze, maka ma Jezú Kristu, Ngana ietu, ni ulongelu uetu ua kuxila Nzambi,

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.