Jisabhu 15:3 - O Mikanda Ikola

³ Mesu ma Jihova, mala mu ididi ioso, ni kukengelela athu aiibha ni athu ambote.

Jisabhu 15:3 ပူးပေါင်းရင်းမြစ်များ

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Jobe 24:23

O Nzambi kia a bhana kunhoha, ene-phe a dielela kiá ngó kienhókio; o mesu ma Nzambi phe ia a talela mu jinjila jâ.

Jobe 28:24

Mbata (Nzambi) muene u mona katé kua suku oxi; u mona ioso iala bhoxi dia diulu.

Jobe 31:4

Inga Nzambi o jinjila jami ka mu ji mona? O uendelu uami uoso ka mu u ualula?

Jisálamu 33:13

Jihova ku diulu u zongola bhoxi; ana athu ene oso ki bhuala ua mu jimbi.

Jisabhu 15:4

O dimi di zuela ni kilendu, di di bhanga muxi ua muenhu; maji o dimi-phe di lula mu kuzuela, di budikisa o muẋima.

Jisabhu 5:21

Mbata mauendelu ma muthu-phe mene ku mesu ma Jihova; muene ukala mu kutongesa muoso mu bhita o muthu.

Jelemiia 16:17

Mbata mesu mami ma lungu muene ku jinjila jâ joso; ene ka suama bhu pholo iami, mba o ikuma iâ i di sueka ku mesu mami, lémbue!

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Jelemiia 32:19

Ukola mu kaiula, Munéne mu ima ia bhanga! mukonda o mesu mé ma jikuka ni ku kengelela ku thandu dia jinjila joso ja anʼathu, phala kubhana muthu ni muthu kala kia fuama o jinjila jê ni kioso kiala o ibundu ia ibhangelu iê.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.