Jisabhu 14:2 - O Mikanda Ikola

² Uoso uenda ni muẋima ua iuka, muene ua mu xila Jihova; uoso-phe uenda mu njila ja kubhengalala, ió ka suu Nzambi.

Jisabhu 14:2 ပူးပေါင်းရင်းမြစ်များ

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

I Jisobha 3:6

Solomá anga u zuela, uixi: Eie, Ngana uedikiza henda iavulu kua mubhikʼé tatʼetu Davidi, kala kiendele muene bhu pholo ié mu kidi, ni mu kuiuka, ni kuimana muẋima o nzánza, kala ki ua mesena eie; lelu-phe eie ua mu bandekeza o henda ia dikota iaxedi kuema, ia ku mu bhana monʼa diiala mbé kuxikama bhu kiandu kiê, kala ki kia bhiti mu kizuua kia lelu.

II Jisobha 17:34

Katé-phe ni mu kizuua kia lelu, hanji a mu bhanga kala o kikexilu kiâ kia dianga; ka moneka uoma ua Jihova; o ioso ia bhanga, ka i bhangela mu mabatuilu ma Jihova, mba mu matendelelu mê, mba mu ngonge iê, mba mu ijila ia Jihova ia tendelela ku anʼa Jakobo, a mu lukile kuala Muene, uixi: Izalaiele.

Jobe 1:1

Kua kexile muthu, mu ixi ia Uze dijina diê a muʼixana Jobe. Muthu iú ua kexile kidi, muthu ua iuka, mukua uoma ua Nzambi; o ia ibha u i lenga.

Jobe 12:4

Eme nga di bhange ngi kima ki thathamesa makamba mami; eme nga hingila jinga Nzambi, muene hé u ngʼitaia; kiene muene, mukua kidi ni iú ua iuka, a bhangesa kuthathamana, a kuatesa njinda muene.

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Jisálamu 25:21

Kuiuka kuami ni kutetuluka ku ngi konde mbandu ni mbandu; kuma eie-muène, Ngana, nga ku kinga.

Jisabhu 11:12

Muthu uoso uia ni kuila kia tala mukuá ki kima, ua kambe kilunji; maji o ua tetulukʼó, u di xibha ni muelu hudí.

Jisabhu 16:17

Kikoka kia athu aiuka (emana miẋima nzanza), o kulenga kubhanga kiaiibha; uoso uedi kuma muenhu ngi u kondeka, aʼluke o uendelu uê.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 19:1

Ngadiama ua kambe mangonha uala kota ku ujitu, kuindi o semenhi ia dikanu ua di bhange o ndaxi.

Jisabhu 2:15

Athu edi o ikoka iâ ienda jihonda joso ni ibhèngele; o kuenda kuâ, iá ku pholo, iá ku dima!

Jisabhu 28:6

Ngadiama, ua kambe mangonha, uala kota ku ujitu; muthu uabhumu, né-mbe u kala mvuama, ndenge.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Luka 16:14

Jifalizeu kuma ja zola kiavulu o kitadi, a muivu kuta makʼama, anga a kala ku mu olela.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 10:35

Maji ku akua jixi joso, uoso u mu xila muène, hé u bhanga ioso iaiuka, Muène u mu tambulula.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.