Jisabhu 13:6 - O Mikanda Ikola

⁶ Muthu uaiuka, o kuiuka kuê kuene ku mu kondeka mu uendelu uê; mukuaituxi-phe, o phulu iê iene i mu sendumuna.

Jisabhu 13:6 ပူးပေါင်းရင်းမြစ်များ

I Jisobha 1:52

Solomá-phe, uixi: Se uidikiza uthu, né lundemba luê ki lu láuka bhoxi; se a mu mona-phe ni úsueia, hinu úfua.

I Jisobha 13:34

Kienhiki anga ki di bhanga ndònda ia kituxi mʼonzo ia Jelobouamu, kia bhekela ku i buidisa ni ku i jimuna mu ngongo.

II Malunda 28:23

mukonda ua bhana jisata ku jinzambi ja akua Damasku, a mu tolola muene, uixi: Mukonda jisobha ja Sídia o jinzambi jâ ja mu a kuatekesa, eme uami nga-nda ku ji bhakuila jisata phala ni ji ngi kuatekese uami, Maji-phe jinzambi jenʼiji ja zubha dingi o ku mu bheka mu hadi, ni muene ni Izalaiele ioso.

Jisálamu 119:1

Azediua ió oso a iukila kiambote mu njila, mu kuenda a kaiela o ngonge ia Jihova.

Jisálamu 140:11

Muzuedi uaibhʼó, ka kale dingi ni kididi mu ngongo; mukua kusuína, uíndua u mu seia katé kia mu jikinisa.

Jisálamu 15:2

U kala muthu ua tenena mu kuenda kuê, mukua kukalakala ima iaiuka, u tanga kidi ni ku muẋima.

Jisálamu 25:21

Kuiuka kuami ni kutetuluka ku ngi konde mbandu ni mbandu; kuma eie-muène, Ngana, nga ku kinga.

Jisálamu 26:1

Ngi lúngise, Ngana, ua ngi mono o kuenda kuami, ki nga bhalumuna mulonga; nga dielela muene kua Jihova, sé kuvula ilunji.

Jisabhu 10:29

Njila ia Jihova iene o mbonge ia dilengelu phala oso emana muẋima nzanza, maji phala ati-a ituxi ia di bhange kibuika.

Jisabhu 11:20

Athu a kala ni xidi ia muẋima. Jihova a mu ibhila kiavulu; oso-phe emana nzanza mu uendelu uâ, ene ku mu uabhela kinéne.

Jisabhu 11:3

O kidi kia athu aiuka, kiene kia kà endesa; maji o uendelu ua lusebu, u bhekela atondadi kusekala.

Jisabhu 21:12

Muthu ua mbote, u tongolola onzo ia kisuéia anga u sunga-bhu kilunji, kia mona o isuéia ala ku a langumuina bhoxi.

Jisabhu 5:22

O muthu ua bhumu-ze, ikuma iê iene ia-nda ku mu kuika; a mu kuta muene ni mikolo ia ituxi iê-muène.