Jisabhu 13:3 - O Mikanda Ikola

³ Uoso u langa dimi diê, muenhu uê ua u kondeka; uoso-phe uzuela kiavulu, muenhu uê ua u jibha.

Jisabhu 13:3 ပူးပေါင်းရင်းမြစ်များ

Jisálamu 141:3

Ngana, langidila o dikanu diami; uinge o muelu ua mizumbu iami.

Jisálamu 34:13

Aiuka! dimi dié ki di kale ni phulu, o mizumbu ié ki i tange makutu.

Jisálamu 39:1

Ngedile ngixi: Ngi di langa o kuzuela, phala ki ngi te kituxi ni dimi diami; dikanu diami ngi di kuta jingoji, kioso ki ngʼimana kumoxi ni muthu uabhukumuka.

Jisabhu 10:14

O Jinjimu, a-kondeka o unjimu uâ; maji o dikanu dia kioua-phe mukua ni nzendu ia kusekala.

Jisabhu 10:19

Mu kuzuela kua vulu, ki mu kambe kutondala; o ua di xibidila-phe uala njimu, ki kioua.

Jisabhu 10:8

O muthu ua dimukina ku muẋima, u tambula ijila; maji o kiôua kiatu mu kanu, ua-nda kudibhala mukonda dia dikanu diê.

Jisabhu 12:13

Mukua-phulu, itondalu ia mizumbu iê, iene o mikolo iê ia di-kuta na-iu; maji o muthu uaiuka, ubhulaka ku iluezu.

Jisabhu 13:4

Muẋima ua musonde, uinda ngó maji ka mono kima; akua kukalakala makidikidi-phe, u sanga a neta.

Jisabhu 14:3

O mbangala i beta o kiôua, o ukumbu u tunda mu kanu diê-muène; maji o njimu mizumbu iê iene i mu kondeka kiambote.

Jisabhu 18:21

Ni kúfua ni muenhu, ima iiadiʼii ia tunga ku uzonda ua dimi; oso-phe a zola o dimi, hádia a diaula-ku ku kibundu kiê.

Jisabhu 18:7

Kiôua kalunga ka mu dia o muenhu, ka tunda ku dikanu diê-muène; o mizumbu iê, diene o dibhèbhe di zumbula o muenhu uê.

Jisabhu 20:19

Mukua kabódio u tungununa o kikutu; kienhiki-phe, eie dimuka, kana du di nhenga ni akua kuzela kiavulu.

Jisabhu 21:23

Muthu uoso u langa o dikanu diê nʼa koteka o dimi diê, ió muenhu uê ua u kondeka ku kikote ni lamba.

Tiiaku 1:26

Sai muthu ua di fika kukala mubhezi a Nzambi? Se u kamba kuijiia o kukuika o dimi diê, o kubheza kuê kua ngoho, iu ua mu di nganalʼê muène mu muẋima uê.

Afundixi 16:11

Muene-phe u mu ambela, uixi: Se a ngi kuta muene kiambote ni mikolo ia ubhe, kilúua a bhanga na-iu kikalakalu kioso-kioso, ngi bhuila-phe kiá, nguzu i ngi bhua ngi kala ngó kala kiala akuetu oso.

Afundixi 16:17

Anga u mu tangela ni muẋima uê uoso, uixi: Kilúua mu ngi bhita phoko ia bhutu mu mútue uami, kuma ngi Nazilé ia ngene ia Nzambi, a ngi lumbila Nzambi tunde mu divumu dia mamʼetu. Se kuila a ngi bhuta, nguzu i ngi bhua, ngi bhuila kala kiala akuetu oso.