Jisabhu 13:2 - O Mikanda Ikola

² Muthu uádia ku mbote i tunda ku kibundu kia dikanu diê; maji o muenhu-phe ua ibalukutu, kúdia kuâ, kikote.

Jisabhu 13:2 ပူးပေါင်းရင်းမြစ်များ

Jisálamu 140:11

Muzuedi uaibhʼó, ka kale dingi ni kididi mu ngongo; mukua kusuína, uíndua u mu seia katé kia mu jikinisa.

Jisálamu 75:8

Mbata o lukuaku lua Jihova, lua kuata nganza ia vinhu i thuthuma kifulu; o uhôlua uê ua di lungu muene; u lundulula-ku, hé u nuisa o isuéia ioso mu ngongo, a i nua muene ni mavunze mê.

Jisabhu 1:18

O iá-phe a di tela mibhetu ia ku di bhubhisa ene-muene o manhinga mâ; ala mu kuzomba o mienhu iâ-ene muene.

Jisabhu 1:31

Kala kiki-phe, a kà diaula-ku ku kibundu kia tundu ku uendelu uâ, anga jiphangu jâ-ene muene jʼa kuma.

Jisabhu 10:11

Dikanu dia muthu ua iuka, ndunga ia muenhu; dikanu-phe dia athu a bhumu dia sueka uséia.

Jisabhu 11:23

Athu ambote vondadi iâ o kubhanga mbote iene, akua phulu-phe axikamena ngoho njinda ia Nzambi.

Jisabhu 12:14

Muthu uene ku di dikila ni mbote i tunda ku ibundu ia uzuelelu ua dikanu diê-muene; o ioso muthu ia bhanga ni maku mê, hádia a mu vutuila-iu.

Jisabhu 18:20

Izuelu i tunda mu kanu dia muthu, i di bhanga kifua kibundu kikutisa o mala mê; u di dikila ni kioso ki tubhula o mizumbu iê.

Jisabhu 18:21

Ni kúfua ni muenhu, ima iiadiʼii ia tunga ku uzonda ua dimi; oso-phe a zola o dimi, hádia a diaula-ku ku kibundu kiê.

Jisabhu 4:17

A kaka mu kudia mbolo ia ngene, anua vinhu ia kubhunda.

Hozeia 10:13

Mua dimi phulu, enu mua bhongolola ituxi; ibundu i muá-di, ia tundu ku makutu; mbata mua dielela ku ima i mu funha mu ilunji ienu, ni ku ndumba ia makuenze a ita a mi vudila.

Habakuke 2:17

Mukonda o usuéia ua bhange kua Libanu ua kà ku vungina eie, o kia buidisa o iama ia misalanganda kia kà ku bhekela uoma; mukonda dia manhinga ma bhubhisa ma athu ni usuéia uavulu ua bhange kulu dia mundu, ni mu jimbanza, ni ku athu oso kiá atungu-mu.

Habakuke 2:8

Kala ki ua bhûnda jinga ku miji iavulu, enʼoso ku mundu a kà ku bhûnda ue eie; mukonda dia manhinga ma athu mu ua bhubhisa, ni kutatesa ku ua tatesa jinga na-ku o jixi, ni mabhata, ni oso kiá a tungu momo.

Dijingunuinu 16:6

Kuma ene a lundulula jinga manhinga ma akua-Ngana ni ma jipolofeta, eie-phe ue ua a bhana manhinga phala kùnua. Mukonda a-lu tambula kioso kia a fuama!