Jisabhu 13:18 - O Mikanda Ikola

¹⁸ Uoso ka xikina ku mu bazela, uaxikamena uadiama ni usuéia; maji uoso-phe u suua kia mu bazela, uaxikamena kijingo.

Jisabhu 13:18 ပူးပေါင်းရင်းမြစ်များ

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisabhu 12:1

Muthu uoso ua uabhela o ku mu longa, ió muene o dikamba dia kuijiia; maji o mukua ku di zangala kia mu bazela, ió-phe kioua kia hatu.

Jisabhu 13:13

Uoso u tènda o phangu ia mu bhana, u jikinina; uoso-phe u xila ngonge, ubhanduluka.

Jisabhu 13:19

O kima kiendi o muẋima se ki di bhanga, muenhu uetu u sanguluka; maji o ku di batuka ni phulu, kiene o kima kiaiibhila o maioua.

Jisabhu 13:25

Muthu uambote, udia anga nhu uê uikuta; maji o divumu-phe dia akua phulu, di dia ngó ki dʼikuta.

Jisabhu 15:5

Kioua ka xikina kuividila ki mu bazela tatʼâ; muthu-phe u suua kia mu héula, ió uadimuka.

Jisabhu 19:6

Muthu uoso u bhanga jimbote, avulu a di uabhesa kua muene; kuma kadia muthu, kamba dia ió uoso u mu bhekela maujitu bhu maku.

Jisabhu 25:12

Mukua ni ki kala o jibixa ja ulu, ni jinzenzela ja ulu ua fina, kiene ue kia soko o kubazela kua njimu mu dítui dia uabhela o kubatekela.

Jisabhu 9:9

O njimu mu longe, muene ua-nda ku beta dingi kudimuka, muthu ua iuka mu tetulule, u mu mone kiʼaia ku pholo ni kutongoloka.

Ndongixi 7:5

O kuívua ue kioso o njimu ki ia mu bazela, kota; kuindi o mimbu ia maióua.

Jelemiia 3:25

Tua xalela mu jisonhi jetu; a tu vungina kuala o kavuanza ketu, mbata Jihova Nzambi ietu tua mu te kituxi, nʼetu ni adietu, tundé mu undenge uetu katé mu kizuua kia lelu; etu tua fulu ku bhana matui ku dízui dia Jihova Nzambi ietu.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!