Jisabhu 13:16 - O Mikanda Ikola

¹⁶ Muthu uadimuka, o ima ia bhanga u i endesa kiambote; maji o Semenhi-phe, uaneka o usemenhi uê.

Jisabhu 13:16 ပူးပေါင်းရင်းမြစ်များ

Jisálamu 112:5

U mona mbote, muthu u kala mukua kiadi, u bhandulula akuá; imbamba iê ioso u i endesa ni kutetuluka.

Jisabhu 14:33

Unjimu unhohena mu muẋima ua mukua-kilunji; maji mu thulu ia maioua, ki mu suama kima.

Jisabhu 15:2

O dimi dia jíngambi ja kuijiia, di uabhesa o unjimu; maji o dikanu-phe dia maioua, di lundulula ngó uoua mu uoua.

Jisabhu 18:2

Kiôua ua di zemba ni kubatekela o diba; muene uinda ngó ku di londekeza o uôua uê, ua mu kala mu muẋima.

Jisabhu 21:24

Mukua ukumbu, ua di zangeleka, a mu luka mukua kasekelu mukonda mukua kusekalesa akuâ.

Ndongixi 10:13

Kuma o kiôua ni maka ma dikanu diê, kioso kiandeka ngó o ku a zuela, a di monekena kuila uôua uene, o dikanu diê ku di zubhila di zuela kujuuala muene kua ibha kinéne.

Ndongixi 10:3

O kiôua katé ni kiʼaia mu njila, kilunji ka kala na-kiu, hé u di-dikiza muene ku athu oso kuila kiôua.

Izaía 52:13

Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Loma 16:19

Enu-phe o kutumaka kuenu ku mua mu tumaka o Njimbu Iambote, kua fumana ku athu oso. Kiene ki nga mu sangulukila mukonda dienu. Maji nga mi mesena mu kala mu jinjimu mu ima iambote, anga mu kala mu iximba mu ima iaiibha.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

Efezo 5:17

Kana kukala-phe mua tobho, maji mu tongolola ioso o vondadi ia mi mesena Nzambi o kubhanga.

I Samuuele 25:17

Kiki-phe eie ijiia na-kiu, u tongolole kioso ki u bhanga, kuma muadiʼetu kua-nda ku mu iza divuua, anga u senguluka ni dibhata diê dioso. Muene-phe o kusekala ni kuhuka kuala na-ku, ua di bhange monʼa kadia-phemba, muthu ka xikina ngó ku mu zuelesa.

I Samuuele 25:25

Nga ku diondo, ngana iami, kana kukaiela diialʼidi dia sekala, muene na Nabale; kuma kiala dijina diê, ni muene kiene kiala; dijina diê Nabale, o uoua uê-phe ki u mu bhu! Eme-phe ngi kahatu ké, minzangala ia ngana iami ki nga a muene, oso u ua tumine.