Jisabhu 12:4 - O Mikanda Ikola

⁴ Muhatu uala ni ujitu u di bhanga kitundu ku mútue ua muadi uê; maji o muhatu u bhanga ima ia jisonhi, u di bhanga mukua ni utúlua mu ifuba ia munumiʼê.

Jisabhu 12:4 ပူးပေါင်းရင်းမြစ်များ

Jisabhu 11:22

Mukuâ ni nela ia ulu ku muzulu ua ngulu, kiene kia di fuangana ni muhatu ua uabha o pholo, nʼa kambe o kilunji.

Jisabhu 12:5

Athu a iuka, ni ixinganeku iâ iezala kidi ni kilunji; maji o jiphangu-phe ja athu a bhumu, jʼezala mangonha moso.

Jisabhu 14:1

Muhatu ua njimu, u tunga o inzo iê; maji o kioua-phe kia muhatu, mueniʼê u i bula ni maku mê.

Jisabhu 14:30

Muẋima ua batama, ubhekela kudisanza mu mukutu; maji o dixinga-phe, di bolesa ifuba.

Jisabhu 18:22

Uoso u bonga muhatu ua mbote, ua bongo kima kia ujitu; muthu ió Ngana ua mu bhange favolo.

Jisabhu 21:19

Sembele kutunga ku ubheka mu tutu mua kambe athu, ki ngʼindi kukala ni muhetu mukua kuhoia uthathamana kiavulu.

Jisabhu 21:9

Kota o kutunga ubheka bhu hota ia mbanjidilu iaʼnzo, ki ngʼindi o kutunga ni muhatu u tangelela kiavulu, mu inzo ia zanze kiambote.

Jisabhu 30:23

kia muhatu a mu senge anga u sakana dingi; ni kia mubhika ua muhatu ku kala muene o mulundudi ua ngana iê ia muhatu.

Jisabhu 31:29

Ahatu avuluʼâ ene mu kubhanga ima ia ujitu; maji eie ene oso ua a tundu.

Habakuke 3:16

Eme mu ku kʼivua, mu mala mua ngi bunguluka, mizumbu iami ia nguenguena mu kuívua o kilungutu kia dízui diâ; kilukutu kia kubola kia ngi bokona mu ifuba iami, anga moxiʼomo ngi kala mù teketa mudiʼami; nga-nda kunhoha anga ngʼila muene hudí mu kukinga o kizuua kia malamba mâ, Ngana kià kʼèjila o povo iene kusot, o ku tu jikinisa.

I Kolindo 11:11

Kiene ue kimoxi mu muenhu uetu ua ukidistá mua Ngana, o muhatu ka di kalela sé diiala, o diiala ue ka di kalela sé muhatu.

I Kolindo 11:7

O diiala, ni kidi kiene, ka tokala u futa mutue, mukonda muene kidifua kia Nzambi, muene fuma ia Nzambi. Maji o muhatu-phe muene o kuzangalala kua diiala.

Lute 3:11

Kiki-phe, monʼami, ku kale ni hele, eme ngi ku bhanga kioso ki ua tange; mukonda akua bhata dietu oso a ku ijiia kuila eie u muhatu ua ujitu.