Jisabhu 11:5 - O Mikanda Ikola

⁵ O kuiuka kua muthu ua mbote, ku mu iukixila o njila iê; mukua phulu-phe uséia uê uene u mu dia.

Jisabhu 11:5 ပူးပေါင်းရင်းမြစ်များ

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

Jobe 18:7

O uendelu uê ua nguzu ua kà zonda, ni kikutu kiê-muène kiene kia kà mu mbolomona.

Jisabhu 1:18

O iá-phe a di tela mibhetu ia ku di bhubhisa ene-muene o manhinga mâ; ala mu kuzomba o mienhu iâ-ene muene.

Jisabhu 11:3

O kidi kia athu aiuka, kiene kia kà endesa; maji o uendelu ua lusebu, u bhekela atondadi kusekala.

Jisabhu 12:3

Muthu ka tena ku di kuatenena ni ikalakalu iaiibha; maji o lundanji lua athu aiuka, bhuoso bhu lua di kubu, kene ku lu sondolola.

Jisabhu 13:6

Muthu uaiuka, o kuiuka kuê kuene ku mu kondeka mu uendelu uê; mukuaituxi-phe, o phulu iê iene i mu sendumuna.

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Jisabhu 15:19

Njila ia musonde mukua ni kikanzo kia minha ia kathathala; maji hoka-phe ia athu aiuka, u sanga ia babelela kiambote.

Jisabhu 21:29

Kisuéia pholo iê u i kolesa muene ngé; maji o muthu uemana nzanza-phe, njila iê u i tongesa muene kiambote.

Jisabhu 28:18

Muthu uoso uenda ni muẋima ua iuka, hinu ua kà bhuluka; maji o ua kuata-phe mauendelu ma bhangalala, kà nanga kúfua mu dikungu.

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Jisabhu 5:22

O muthu ua bhumu-ze, ikuma iê iene ia-nda ku mu kuika; a mu kuta muene ni mikolo ia ituxi iê-muène.

Izaía 26:7

O njila ia muthu uaiuka, iene ioso i sokelela kiambote. Eie, o uendelu ua muthu uaiuka, uene ku u zonga ni kuiuka kuoso.

Hozeia 5:5

Izalaiele o ízala iê ia-nda ku di jimbulukila mu pholo iê muene; ni Izalaiele ni Ifalaíme a kà dibhala-phe mu ituxi iâ; o Juda ue ua kà dibhala-nâ kumoxi.

Afundixi 20:41

Akua Izalaiele-phe aluluka, akua Bejamí anga a diuana, kuma a mono divuua dia a tula!