Jisabhu 11:3 - O Mikanda Ikola

³ O kidi kia athu aiuka, kiene kia kà endesa; maji o uendelu ua lusebu, u bhekela atondadi kusekala.

Jisabhu 11:3 ပူးပေါင်းရင်းမြစ်များ

Jisálamu 25:21

Kuiuka kuami ni kutetuluka ku ngi konde mbandu ni mbandu; kuma eie-muène, Ngana, nga ku kinga.

Jisálamu 26:1

Ngi lúngise, Ngana, ua ngi mono o kuenda kuami, ki nga bhalumuna mulonga; nga dielela muene kua Jihova, sé kuvula ilunji.

Jisabhu 11:5

O kuiuka kua muthu ua mbote, ku mu iukixila o njila iê; mukua phulu-phe uséia uê uene u mu dia.

Jisabhu 13:6

Muthu uaiuka, o kuiuka kuê kuene ku mu kondeka mu uendelu uê; mukuaituxi-phe, o phulu iê iene i mu sendumuna.

Jisabhu 19:3

Usemenhi ua muthu, uene u mu seluila o njila iê; o ku muẋima uê-phe, u tatela Ngana.

Jisabhu 2:22

Maji akua-phulu mu ngongo a kà a buikisa-mu, o ibalukutu a kà a vuza-mu muene.

Jisabhu 21:7

Ungumba ua isuéia, hádia ua-nda ku a jima ene o mbutu; mbata a di tunu kukumbidila o kidi.

Jisabhu 22:12

Mesu ma Jihova, ma tambula konda ia muthu ua tetuluka; maji o maka ma mukua phulu-phe, u a ta kavuanza.

Jisabhu 28:18

Muthu uoso uenda ni muẋima ua iuka, hinu ua kà bhuluka; maji o ua kuata-phe mauendelu ma bhangalala, kà nanga kúfua mu dikungu.

Ndongixi 7:17

Ku kale ue u mukua phulu kinéne, mba u dianguka; kuma u filaʼhi ngoho, o thembu ié kiluua i bhixila?

Izaía 1:28

Maji atondadi, ni akua-ituxi-phe, a kà a buikisa kumoxi; ni ió oso a xisa Jihova, a kà jima mbutu.

Dialuilu 31:8

Jisobha ja Midiiane anga a ji jibhila kumoxi ni athu amukuá afu: ni Evi, ni Lekeme, ni Zule, ni Hule, ni Leba, jisobha jitanu ja Midiiane, ni Balamu dia Beola ue a mu jibha ni xibhata.

Nzuá 7:17

Se muthu u sola kubhanga vondadi ia Nzambi, ió ua-ndu kuijiia ulongelu u nga mu longa, mba ua tundu kua Nzambi, mba nga zuela ngó ima iami ememuène.