Jisabhu 10:9 - O Mikanda Ikola

⁹ Uoso uenda ni muẋima uazele, ió ua di-fikidila mu kuenda kuê; uoso-phe uselula o uendelu uê, ua-nda ku di monekena.

Jisabhu 10:9 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Jobe 8:20

Kuma Nzambi kene mu kamba kusuua muthu ua iuka, mba akua kubhanga ia ibha u a kuata mu lukuaku phala nʼa xamenena kua Muene, kana.

Jisálamu 23:4

Né-mbe ngi bhita mu dikôlo dia kitombe kia kalunga, ki ngi kala ni uoma ua kima kiaiibha, mukonda eie uala ngi bheka; ni mbangala ié ni dikoue dié, ene a ngi bhuisa hele.

Jisálamu 25:21

Kuiuka kuami ni kutetuluka ku ngi konde mbandu ni mbandu; kuma eie-muène, Ngana, nga ku kinga.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisabhu 17:20

Mukua muẋima ua dianguka, ka tena ku mona mbote; o mukua uzuelelu ua luiadi, hádia u di bhala mu kiluezu.

Jisabhu 26:26

Né hanji o luma luê u lu sueka kala muthu uambote, hádia usuéia uê ua-nda kutungunuka bhua tena o kionge.

Jisabhu 28:1

Isuéia a di ta ku lusolo, nè-mbe ua a landemeka ka moneka; maji o athu oso a iuka-phe, a di fikidila kala hoje ia munzangala.

Jisabhu 28:18

Muthu uoso uenda ni muẋima ua iuka, hinu ua kà bhuluka; maji o ua kuata-phe mauendelu ma bhangalala, kà nanga kúfua mu dikungu.

Jisabhu 3:23

Kienhokio-phe njila ioso i uenda, ua-nda ku i enda ni kudielela sè hele, o kinama kié ki kia-nda ku dibhukana.

Matesu 10:26

Uila kiki, athu ki mu a kuatele-phe uôma. Mbata kana-ku kima kiófute hinu ki kamba kutukuluka, kana-ku kiósueke hinu ki kamba ku kijiia.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

I Timote 5:25

Kiene ue ni ikalakalu iambote, sai-ku imoxi-mu ia di monekena kiá; o ioio ue ia kambe kumoneka, kenʼu tena ku i sueka.