Jisabhu 10:6 - O Mikanda Ikola

⁶ Mabesá ma tula ku mútue ua muthu uaiuka; maji o dikanu dia athu a bhumu diezala ni usuéia.

Jisabhu 10:6 ပူးပေါင်းရင်းမြစ်များ

Estere 7:8

Kindala muenexi u tunda ku jardí ia palaxu kuele, u iza dingi mʼonzo mua-lu bhangela fesa ia vinhu, anga u sanga Hamane uadibhalela bhu hama bhua zendalala Estere. Muenexi anga u sanga Hamane uadibhalela bhu hama bhua zendalala Estere. Muenexi anga u zuela, uixi: Manhi o kubhuma kuê u mesena ni na mvuale u mu lundamʼé kiá kiki ku mesu ami a kutala mʼonzo iami muene? Ki evu muenexi kuzuela kiki, akua mbèle ala-bhu a kuata Hamane, a mu futa mútue.

Jobe 29:13

Kizediuise kia ió ua mu fua, kieza jinga kokuami, kuma eme nga kexile mu sangulukisa o muẋima ua mutudi ua muhatu.

Jisálamu 107:42

Emana nzanza kia ki mona, a sanzuka ni ngalasa; maji o ku mbandu joso isuéia a a jika makanu.

Jisabhu 10:11

Dikanu dia muthu ua iuka, ndunga ia muenhu; dikanu-phe dia athu a bhumu dia sueka uséia.

Jisabhu 10:5

Uoso u muna bhu mvula, muenhó njimu ia mona; maji mukua kuzeka bhu thembu ia kubhongolola, mona u kuatesa jisonhi.

Jisabhu 11:26

Muthu uoso nguaiê kusumbisa o mbutu jê, mundu a mu ta mázui; maji mukua kusenga o idima iê, ku mútue uê dibesá dia kalʼé.

Jisabhu 24:25

Maji oso-phe a mu bazela, a kà a ximana; enhó à kala ni nzungule ia jimbote ku thandu diâ.

Jisabhu 28:20

Muthu u kala ni kitongola, hinu u bonga mabesá ma nzungule; maji uoso-phe u di sukila kuta jimbongo mu lusolo, kindala u bonga milonga.

Jisabhu 3:33

Mázui ma Jihova u ma sanga mʼonzo ia athu a bhumu; maji o dibesá diê diala ku dibhata dia athu aiuka.

Izaía 3:10

Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Obadiia 1:10

Mukonda dia kukakela phangʼié Jakobo, kua kèza kavanza ku thandu dié, katé ki u jima mbutu ku hádia ni hádia, nzaká.

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Matendelelu 28:2

Mabesá oso a-nda kuiza kokué u ua-nda kutambula, enhá: Se ua tumaka o dízui dia Jihova Nzambi ié: