Jisabhu 10:4 - O Mikanda Ikola

⁴ Uoso u kalakala ni lukuaku lua usonde, u kala ngadiama; maji o lukuaku lua akua midimu-phe lu bhekela umvuama.

Jisabhu 10:4 ပူးပေါင်းရင်းမြစ်များ

Dimatekenu 26:32

O mu kizuua kieneʼokio-phe, jiselevende ja Izake eza ku mu tangela o kixima kiala mu kanda, exi: Tua sange kiá menha.

Jisabhu 10:5

Uoso u muna bhu mvula, muenhó njimu ia mona; maji mukua kuzeka bhu thembu ia kubhongolola, mona u kuatesa jisonhi.

Jisabhu 11:24

Sai-ku amoxi a bhana kiavulu, maji hanji-phe o jimbongo jâ jiia ni ku di-bandekeza; amukuá-phe asombuesa o unjenje, anga a bonga uíndua.

Jisabhu 12:24

Lukuaku lu kalakala makidikidi, luene lu tumina; maji o jisemenhi-phe, ji xikamena ngó kufuta lubhaku.

Jisabhu 12:27

Musonde, o xitu iê ia unhanga, u lémbua ku i oha; maji o kuhandamana-phe, uene o ujitu uonéne ua muthu.

Jisabhu 13:4

Muẋima ua musonde, uinda ngó maji ka mono kima; akua kukalakala makidikidi-phe, u sanga a neta.

Jisabhu 18:9

Mukua usudi, mu ukalakalelu uê, ua soko ni nzangi.

Jisabhu 19:15

Usonde, u bheka kuia ku kilu kia muioko-ioko; maji o muthu-phe u kamba kututumba ni kukalakala, nzala i mu dia.

Jisabhu 19:24

Musònde, u sueka lukuaku luê bhu homba; o kieza ku lu ta mu kanu, uila kala kia mu ibhila.

Jisabhu 20:13

O kilu kuende ni ku ki uabhela, phala ki mu ku ijiie uadiama; tona mesu, mbé uikute ni mbolo ia di xala.

Jisabhu 20:4

Musonde kia muila: dima-ze, uixi: Kuma kuala mbàmbi; o bhu thembu-phe ia kubhongolola idima, u di ta mu bhinga, maji u lémbua-ku.

Jisabhu 21:5

Mukua muanu, o ixinganeku iê i bhangela kuvudisa nzungule ia jimbote; maji o ixinganeku ia mukua dimuámua ni lusolo-lusolo, i mu xila ngó uadiama.

Ndongixi 10:18

Mukonda dia umonha uavulu o mukambu ua hongo ia ʼnzu u lundumuka, o maku se a bhuila kinéne, inzu i kala mu mbomba.

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.