Jisabhu 1:9 - O Mikanda Ikola

⁹ Kuma ima ienhiʼii ia kà di bhanga kiene o kitundu kia kuzediua ku mútue ué, ni jinzenzela ja kunhenga mu xingu ié.

Jisabhu 1:9 ပူးပေါင်းရင်းမြစ်များ

Dimatekenu 41:42

Bhenhobho Falaó anga u katula o nela iê ia sineta mu mulembu, u i ta mu mulembu ua Zuze, u tuma ku mu zuika izuata ia linho ia fina, u mu ta lubhambu lua ulu mu xingu;

Jisálamu 73:6

Ukumbu uâ-phe kifua lubhambu lua zuata mu xingu; a di futu ni kusuína kala dibeka dia zuata.

Jisabhu 3:22

Kuma iene i kala muenhu phala o nzumbi ié, i di-bhanga makembu ambote phala o xingu iê.

Jisabhu 3:3

O mbote ni kidi kanaku i jimba; kutila-iu muene mu xingu ié, soneka-iu ku dibaia dia muẋima ué.

Jisabhu 4:9

Unjimu ua-nda ku ku zuika kitundu kia kuzediua ku mútue uê; anga u ku bhana kijinga kia matunda.

Mukumbi ua Mikumbi 1:10

Tu matama tué kuúabha kuahi, mu makembu mé. O xingu ié u sanga iaiuka ki i kala mu makoladi.

Mukumbi ua Mikumbi 4:9

Ua ngi katula o muẋima moxi, phangʼiami ia muhatu, tata! bhànga diami! Miẋima moxi ia ngi bhu-mu, kiene ki ua ngi iale ngó lumoxi, miẋima moxi ia ngi halumuka-mu, ni dikoladi dimoxi ngó dia xingu ié!

Izaía 3:19

Ni jinzenzela, ni malenge a maku: ni izuatu ibenha,

Jelemiia 35:8

Tua tumaka-phe o dízui dia Jonadabe, monʼa Lekabe, tatʼetu, mu iene ioso ia tuʼambela; kí kia tu bhekela kuila mu izuua ietu ioso ki tu tena kúnua vinhu, kixi etu, kixi ahetuʼetu, kixi anʼetu a mala, kixi anʼetu a ahatu.

Izekiiele 16:11

Nga ku kembesa ni makembu ma soko, eme nga ku te malenge mu maku, ni musanga ua makoladi mu xingu.

Daniiele 5:16

Eie-phe nga ku ivu fuma kuma eie u mesene ia kubhana majimbuluilu, ni kutetulula jiphata. Kiki-phe, se uatena kutanga o kisoneku kiki, ni ku ngʼijidisa dijimbuluilu diê, a-nda ku ku zuika thanga ikusuka, o mu xingu a-nda ku ku zuika lubhambu lua ulu, nʼa ku bhane kididi kia katatu mu utuminu uaʼxi.

Daniiele 5:29

Belxazale bhenhobho ubhana ngonge, anga Daniiele a mu zuika kizuatu kia kusuka, a mu zuika nzenzela ia ulu mu xingu, iá a mu xikila ngonge, muene u kala kilâmba kia katatu mu utuminu.

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.