Jisabhu 1:5 - O Mikanda Ikola

⁵ Phala njimu ki evua a kule mu unjimu uê, o ua tongoloka a tambule kilunji kia ku di tumina.

Jisabhu 1:5 ပူးပေါင်းရင်းမြစ်များ

II Malunda 25:16

Kiosuʼiki hanji polofeta iu u mu zuelela, muene u vutula, uixi; Eie a ku te phala kubhana kaiula kua sobha? Dixibhe! Phalaʼhi a ku kuama ngó? Polofeta anga u dixibha, maji, uixi: Nga ki mono muene, kuila Jihova ua te kiá hundu ia ku ku sengulula; mukonda dia kiki ki ua bhange; eie ua ditunu kubhana mátui ku kaiula kami.

Jobe 34:10

Mu kienhiki-phe, enu mu athu, mu jinjimu, ngʼivienu: Lu ku suke, eie Jobe! kuma Nzambi ka tena kubhanga kia ibha! o Muteni-a-Ioso ka tena kubhanga mangonha!

Jobe 34:16

Eie Jobe se moxi dié muala kutongoloka, kiki-phe ivua-kiu; bheteka mátui ku mbimbi ia kizuelu kiami.

Jobe 34:2

Enu muejiia, ivuenu ulungilu uami; enu mua tongoloka, bhanenu mátui kokuami.

Jobe 34:34

Athu oso ala ni kilunji a-nda kuzuela kumoxi ni eme, ni njimu uoso ua mu ngʼivua, kuila:

Jisabhu 12:1

Muthu uoso ua uabhela o ku mu longa, ió muene o dikamba dia kuijiia; maji o mukua ku di zangala kia mu bazela, ió-phe kioua kia hatu.

Jisabhu 14:6

Semenhi u sota unjimu, maji uene ka di-mono na-u; maji o makua-kilunji-phe ku di longa uene o mukumbi uê.

Jisabhu 18:15

Muẋima ua hete, u sota o kuijiia; mátui ma jinjimu, ma sota kutongolola.

Jisabhu 19:25

Ua beta o seletete, ni kiximba ua mu dimuna; bazela mukua kilunji, ua mu mone kia di longa kiua kiambote.

Jisabhu 21:11

O seletete mukua kusebha, kioso kia bonga o kaxitiku, kieneʼokio-phe ki bhangesa kuila o kiximba u biluka njimu; kuma o njimu-phe kia mu longa o kikombo, ki mu tetulukila lusolo.

Jisabhu 8:33

Ividilenu kia mi longa, mu dimuke, ki mu di tune-kiu.

Jisabhu 9:8

Kana kubazela semenhi, phala muene ka ku zembe; se uambe kubazela, bazela-phe o njimu, muene ua-nda ku ku zola.

Jisabhu 9:9

O njimu mu longe, muene ua-nda ku beta dingi kudimuka, muthu ua iuka mu tetulule, u mu mone kiʼaia ku pholo ni kutongoloka.

Ndongixi 9:11

O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

I Kolindo 10:15

Nga mi ambela kala mu jihete ja kutongolola o ima. Tongololenu-phe ki ngi zuela.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.