Jipoxolo 9:6 - O Mikanda Ikola

⁶ Muene-phe ni kuteketa ni kudiuana, uixi: Ngana ua mesena ngi bhanga kiebhi? Ngana u mu ambela, uixi: Balumuka-phe, u bhixile mu mbonge, mueneʼomo a kà ku jimbuila kioso ki u bhinga kubhanga.

Jipoxolo 9:6 ပူးပေါင်းရင်းမြစ်များ

Jisálamu 25:12

Muthu uebhi uene ni uoma ua Jihova? Muenhó Jihova u mu longa njila ia fuama kusola.

Jisálamu 94:12

Muthu-phe u zediua, se eie u Jihova ua mu beta, hé u mu longa mu ngonge ié.

Izaía 57:18

Eme ngala kumona o jinjila jâ, phala ni ngʼa sake, ngʼa batesa ue, hé ngʼa bhana dingi o kukondama ni ene ni mundu uâ ua di-kuata o mukondo ua kudila.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izekiiele 2:1

Anga u ngʼambela, uixi: Eie monʼ muthu, balumuka uimane, nga-nda ku ku zuelesa.

Izekiiele 3:22

O lukuaku lua Ngana, bhenhobho, lua kexile ku thandu diami, iú ua ngʼambela, uixi: Balumuka uie mu í honga, o muenhomo muene mu nga kà zuela ni eie.

Habakuke 3:16

Eme mu ku kʼivua, mu mala mua ngi bunguluka, mizumbu iami ia nguenguena mu kuívua o kilungutu kia dízui diâ; kilukutu kia kubola kia ngi bokona mu ifuba iami, anga moxiʼomo ngi kala mù teketa mudiʼami; nga-nda kunhoha anga ngʼila muene hudí mu kukinga o kizuua kia malamba mâ, Ngana kià kʼèjila o povo iene kusot, o ku tu jikinisa.

Matesu 19:30

Sai-phe avulu a sukidila lelu, hádia a kà dianga; ni iá a dianga lelu, hádia a kà sukidila.

Luka 3:10

O kifuẋi anga ki kala ku mu ibhudisa, exi: Tu bhanga-phe kiebhi?

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 10:32

Tuma-phe muthu ku Jopa a takane-ku diiala a mu ixana Ximá, jina diê diamukuâ Phetele. Muène a mu zalela mʼ onzo ia Ximá dia muteki a ibha, ua tungu bhu mbandu ia kalunga.

Jipoxolo 10:6

Muène a mu langeka kuala Ximá dia muteki a ibha, uavu inzu iê iala bhu mbandu ia kalunga. Muène ua kà ku tangela kioso ki ua fuama kubhanga.

Jipoxolo 2:37

Ene-phe ki evu kiki, kia a talakanha ku miẋima, anga ambela Phetele ni jipoxolo jamukuá, exi: Akuetu, etu tu bhanga-phe kiebhi?

Jipoxolo 22:10

Ngixi-phe: Ngi bhanga kiebhi, Ngana? Ngana uixi: Balumuka, u bhixile mu mbonge ia Damasku. Mueniomo muene mua kà ku jimbuila ima ioso Nzambi ia ku mesena ku i bhanga.

Jipoxolo 26:16

Maji balumuka-phe, uimane. Eme kiene ki nga ku tukulukila, phala ku ku tuma, u kale mukunji uami, u kale mbangi ia ku tangela akuenu o ima ioso i nga ku tukulukila na-iu lelu, ni ima ioso hinu i ngi ku tukulukila na-iu dingi.

Jipoxolo 9:5

Kuala muène: Eie nanhi, Ngana? Uixi: Eme Jezú, ualu ngi zukutisa! Maji uala kutala ngó hadi, mu kubhana jipondapé ku jisongo.

Loma 10:20

Izaia-phe u zuela sé uôma, uixi: Nzambi a mu sange kuala athu kà kexi ku mu sota, ua tukulukila kua ió kà kexi ku mu ibhula.

Loma 10:3

Edi ni kukamba kuijiia o kulunga kua Nzambi kuijiia mu kuxikana, ni kubhindamanea o ku di lungisa mu kidifua kiâ ene, iá a ditunu kubelesela o kidifua ki bhangesa Nzambi kuẋikina muthu ni, ku mu lungisa.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Loma 7:9

Mukonda mʼokulu, ki nga kambele kuijiia o Kitumu, eme nga kexile ku muenhu. Maji kieza o kijila, eme nga kʼijiia, ituxi ia phaphumuka, eme ngafu.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.

I Samuuele 16:3

Ua kèxana Jese ku sata, eme-phe ngi ku idikiza dingi kioso ki u bhanga. Ua kà unda ni maji muthu uami uoso ngi ku ambela-nê dijina diê.

I Samuuele 28:5

Saúlo-phe kia mono kilômbo kia akua Fidíxia, u kala ni uoma, muẋima u mu teketa kiavulu.