Jipoxolo 9:5 - O Mikanda Ikola

⁵ Kuala muène: Eie nanhi, Ngana? Uixi: Eme Jezú, ualu ngi zukutisa! Maji uala kutala ngó hadi, mu kubhana jipondapé ku jisongo.

Jipoxolo 9:5 ပူးပေါင်းရင်းမြစ်များ

Jobe 9:4

Muene njimu ia muẋima, munéne mu kusuina; nanhi muene u zoka-nê mba úlua-nê nʼa kalʼé ni kutululuka?

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Izaía 45:9

Lamba dia muthu uzoka ni uoso ua mu bhanga; o kienga mu kaxi ka ienga ia mavu! manhi utuma utena kuambela ngûmbi iê, uixi: Ua mu bhangaʼhi? mba kima ki ua bhange ki kuila: eie kuala ni maku?

Jipoxolo 10:14

Phetele-phe, uixi: Ki ki xikina, Ngana!—Eme kiluua ngi dia kima kiaiibha mba kiaxidi!

Jipoxolo 26:14

Etu oso ki tua zubha o ku di bhala bhoxi, ngevu dizui dia ngʼambela mu uzuelelu ua Hebeleu, dixi: Saulu, Saulu! Eme ualu ngi zukutixila-hi? Eie, ni kuthathamana kuosʼ uku, ualu di kuamʼé ngó eʼmuene, mukua ni ngombe ki i ṗhuṗha isende ku jisongo.

Jipoxolo 26:9

Eme-muène nga fikile kidi kuma, nga tokala kubhanga ima iavulu ia kuẋinukina o dijina dia Jezú dia Nazalé.

Jipoxolo 5:39

Maji se kua tundu kua Nzambi-phe, mu a lémbua ku a tolola, kuma mu kubhanga kiki, muanda kusota kubhanga ni Nzambi! Muene anga a mu xikana. Kionge kioso anga kʼ ivua kia zuela Ngamadiiele.

Jipoxolo 9:4

Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

Jipoxolo 9:6

Muene-phe ni kuteketa ni kudiuana, uixi: Ngana ua mesena ngi bhanga kiebhi? Ngana u mu ambela, uixi: Balumuka-phe, u bhixile mu mbonge, mueneʼomo a kà ku jimbuila kioso ki u bhinga kubhanga.

I Kolindo 10:22

Inga tua mesena kuila Ngana tu mu bhekela difuba? Enu mua xinganeka kuila etu kifua tua mu tundu mu kusuina?

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Filipe 3:12

Eme ki ngedi kuma nga zubha kiá kutolola, ki ngedi kuma nga tenena kiá. Maji nga jiji ni kuenda, phala nga kà tambule kioso eme kia ngi kuatela Kristu Jezú.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.