Jipoxolo 9:4 - O Mikanda Ikola

⁴ Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

Jipoxolo 9:4 ပူးပေါင်းရင်းမြစ်များ

Dimatekenu 16:8

Hé u mu ambela uixi: Hangale, kahatu ka Salai, ua tundu kuebhi? u di telo kuebhi? Kuala muene: Nga lenge o pholo ia ngana iami Salai.

Dimatekenu 22:11

Maji o Anjo ia Jihova anga u mu handekela, tunde ku diulu, uixi: Mbalahamu! Muene anga u vutula uixi: Emʼiú.

Dimatekenu 3:9

Jihova Nzambi anga u ixana Adá, uixi: Adá eie kuebhi?

Makatukilu 3:4

Jihova-phe kia mono kuma ua lunguluka mu kutala, Nzambi u mu ixanena mu kaẋi ka kisasa, uixi: Mozé, Mozé. Kuala muene, uixi: Emʼiú, Ngana.

Izaía 6:8

Kia bhiti kiki, ngevu dízui dia Jihova, uixi: Mukuahi ngi mu tuma, nanhi u tu endela bhu kididi? Eme-phe, ngixi: Emeʼami-ú, Ngana, ngi tume eme.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Zakadiia 2:8

Mukonda o Jihova dia Ifuẋi, uambe kiki: Phala muene a tambule o fuma, ua ngi tumikisa kua akua jixi a mi bhundu imbamba ienu; mukonda uoso u mi kuata enu, ua kuata mu mona uê-muène ua diesu.

Dialuilu 16:45

Katukenu muʼaxaxe ka kionge kiki, nda eme ngi ki jimise mu kapota-diesu. Ene-ṗhe bhenhobho a di ṗhudikila o jipholo bhoxi,

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Luka 10:41

Ngana-phe ua mu vutuila, uixi: Marta, Marta, eie ua lalama, kuma ua tandanganha ni ima iavulu.

Nzuá 18:6

Muène-phe kia ambela, uixi: Emeʼú, ene a vutuka ni dima, hé a di bhala bhoxi.

Nzuá 20:16

Kuala Jezú: Madiia! Muène ua sakuka, anga u mu vutuila mu Hebeleu, uixi: Laboni (Mu ku jimbulula uedi, Mesene iami.)

Nzuá 21:15

Bhenhobho kia zubha kudiaúla, Jezú uambela Ximá Phetele uixi: Ximá, monʼ a Jona, eie ua tundu iá mu ku ngi zola? Muène uixi: Eue, Ngana! Eie ua kʼijiia, kuma nga ku zola. Kuala Jezú: Disa o tumbudi tuami.

Jipoxolo 5:10

Muène kithanganʼ okio, u di bhala bhu inama iê, hé u batuka o muenhu. O minzangala ki a bokona, a mu sanga uafu, anga a mu zangula, aia-nê a mu fûnda bhu mbandu ia munumiʼê.

Jipoxolo 9:5

Kuala muène: Eie nanhi, Ngana? Uixi: Eme Jezú, ualu ngi zukutisa! Maji uala kutala ngó hadi, mu kubhana jipondapé ku jisongo.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

I Kolindo 12:12

Kiene kimoxi kala o mukutu ua vula idiandu, o idiandu iene ioso, sumbala iavulu, ia di bhange mukutu umoxi, ni Kristu ue kiene.

I Kolindo 4:7

Eie nanhi muène ua kubhangesa kuila akuenu oso u a tunda mu unene? Ngana Nzambi ki muène ua kubhana ioso i uala na-iu? Abha-phe, phala-hi eie u di zangeleka, kala o ioso i uala na-iu, Nzambi ki muène ua ku bhanaiu?

Efezo 5:30

Kuma etu tuala tu idiandu ia mukutu uê.