Jipoxolo 9:34 - O Mikanda Ikola

³⁴ Phetele anga u mu ambela, uixi: Eneia, Jezú Kristu ua ku sake. Balumuka, u bhange o hama ié. Muène kithanganʼ okio u balumuka.

Jipoxolo 9:34 ပူးပေါင်းရင်းမြစ်များ

Jipoxolo 3:12

O Phetele kia ki mono, ua kumbulula o mundu, uixi: Enu akua Izalaiele, tata, mua di uanena-hi muthu iu? Mba mu tu tonginina-hi kiki ni mesu? Enu mua fika kuila etʼuene mu nguzu ietu, mba mu ujitu ua kuzela kuetu etʼuene mu tua mu bhangesa o kuenda?

Jipoxolo 3:6

Kuala Phetele-phe: Ni phalata, ni ulu, ki ngala. Maji o kioso ki ngala na-kiu, kiene ki ngi ku bhana. Mu dijina dia Jezú Kristu dia Nazalé, balumuka nda uende!

Matesu 9:6

Phala enu-phe mu kʼ ijiie kuma monʼ a Muthu uala ni nguzu mu ngongo ia kuloloka ituxi, u ambela o haxi ia kila, uixi: Balumuka, zangula hama ié, uie ku bhata.

Jipoxolo 16:18

Munzangala muenʼiú anga u ki bhanga izuua iavulu. Phaulu-phe kuma kia mu iibhila kiavulu, ua mu alulukila, hé uambela o dimonho, uixi: Nga ku tumu, mu dijina dia Jezú Kristu, kutunda mu mukutu uê. Anga di tunda kithangana kieniokio.

Jipoxolo 4:10

Uila kiki, ijiienu-phe enu-enu oso mu jingana, ni mundu uoso ua Izalaiele, kuma mu dijina dia Jezú Kristu dia Nazalé, mua mu jibhile ku dikulusu, Nzambi anga u mu fukununa ku ʼalunga, muene mua disanzela o muthu iú uemana bhu pholo ienu bhenhabha.

Jipoxolo 3:16

O dijina dia Jezú, mu ku di xikana, diene dia bhana o nguzu ku muthu iú. O kiki kia bhiti, ki mua mono ni mesuʼenu, enu mua kʼijiia, kiobhange mukonda dia kuxikana o dijina diê. Mbata o kuxikana dijina dia Jezú, kuene kua mu bhana o kudisanza, bhu pholo ienu-enu oso.

Matesu 8:3

Muène anga u sunununa lúkuaku luê, u mu babata, uixi: Nga mesena muene; disanze. Muène anga u disanza muʼ anzanza muenhomo.

Nzuá 2:11

Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Jipoxolo 9:33

Anga u sanga-mu muthu diiala dijina diê Eneia, ua bhange nake dia muvu bhoxi dia kukata, kuma ua kate kila.

Jipoxolo 9:35

Bhenhobho oso a tungu mu Lida, ni mu Salone, kia mono kiki, a biluka kua Ngana.