Jipoxolo 9:3 - O Mikanda Ikola

³ O kia kala mu kuenda, ua zukama kiá mu Damásku, u tukumuka kua mu telakela mukengeji u tunda mu diulu.

Jipoxolo 9:3 ပူးပေါင်းရင်းမြစ်များ

Jisálamu 104:2

Ua di te mukengeji kala divunga; ua futununa o maúlu kala dibeka dia balaka.

Jipoxolo 22:6

Phaulu anga u kuata kuzuela, uixi: O ki ngi kala mu kuenda mu njila-phe, nga zukama kiá mu Damaxiko, mu kumbi dia mediia, nga tukumuka kua ngi tuila mukengeji ua dikota ua tundu mu diulu.

Jipoxolo 9:17

Ananiia anga u katuka, hé u bokona mʼonzo ia Juda, o kia tula maku ku thandu dia Saúlu, uixi: Phangeʼ ami Saúlu, o Ngana ietu Jezú ua ku tukulukila mu njila ia Damásku mu uejiia, muène ua ngi tumu ku ku tonesa o mesu, phala uende ni kumona dingi luamukuâ, u izale ue ni Nzumbi Ikôla.

Jipoxolo 9:27

Barnabé-phe uiza ku mu kuatekesa, anga u mu bheka ku Jipoxolo. Muene anga u a jimbuila kioso Ngana kia tukulukila Saúlu mu njila, iú ua zuelanê. U a kundila ue kuma Saúlu muene, mu Damásku ua tangele maka mu dijina dia Jezú ni kubhua-uoma.

I Kolindo 15:8

Kiabhu ene oso, nga sukidila-ku eme, ku ngi tukulukila, kala mona a mu vuala musunda mu nzumbi, o kiene mù vuala akuá ki kiene.

I Kolindo 9:1

Manhi eme ki ngi di vu? Ki ngala ngi Poxolo? Ngana ietu Jezú, manhi ki ngi mu mono mesu? Manhi enuʼ enu ki mu ibundu ia kikalakalu kiami mua Kristu?

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.