Jipoxolo 8:7 - O Mikanda Ikola

⁷ Kuma ku kala athu avulu o nzumbi jaiibha jala na-ju ji tunda ni ku di kola; avulu a kate kila, ni iá a nemana, anga a disanza.

Jipoxolo 8:7 ပူးပေါင်းရင်းမြစ်များ

Izaía 35:6

Kizuuʼokio-phe, inema ia kà tuka-tuka, kala jimbambi; o dimi dia mabubu dia kʼemba; mbata mu kikangalakata mua kà fuafua menha, o mu dinhana mua kà fuafua jingiji.

Matesu 10:1

Muène anga u ixana kuinhi dia xibulu ni kiiadi, anga u a bhana nguzu ia kutumina jinzumbi jaiibha, ku ji kaia, ni kusaka mahaxi moso ni makukata moso.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Marku 9:26

O ki ia zubha ku di kola, ni ku mu sanhesa kiavulu, ia tundu. O monʼa diiala anga uila kala uafu; kate athu avulu ambele, exi: Uafu.

Luka 10:17

O makuinhi sambuadi ni kiiadi anga a vutuka ni kusanguluka, exi: Ngana, katé ni madimonho a tu tolokela, kioso etu ki tua a tumu kutunda mu dijina dié!

Nzuá 14:12

Kidi kiene, ngi mi ambela: Uoso ua ngi xikana eme, ikalakalu i nga mu bhanga eme, muène ue u i bhanga, katé u bhanga ue hanji ia tundu, mukonda eme ngala kuia kua Tata.

Jipoxolo 5:16

Mu jimbonge jamukuâ ja zukama mu Jeluzaleme, anga mu tunda ue mundu ambata o jihaxi jâ, ni athu a a kuata kuala jinzumbi jaiibha. Ene oso anga eluka.

Jipoxolo 8:6

Ifuẋiʼoio ni muenhu umoxi a tambulula imbamba ioso ia a tangela Felipe. Ene oso a kala mu ku mu ivua kiambote anga a mona isumua ia bhange.

Jihebeleu 2:4

Nzambi ue mbangi iâ, kuma ua a bhana kubhanga isumua ni madiuanu, ni jinguzu javulu, ni mauhete ma Nzumbi Ikôla, kioso kia mu kala mu vondadi iê.