Jipoxolo 8:1 - O Mikanda Ikola

¹ Saúlu ue ua ki mono kuuabha, o kujibha Xitevá. Kizuua kieniokio anga a kuata kuzukutisa kiavulu o Ngeleja iala mu Jeluzaleme. O jikidistá ene oso anga a muanganena mu jixi ja Judeia ni Samádia, ku xala ngó o jipoxolo.

Jipoxolo 8:1 ပူးပေါင်းရင်းမြစ်များ

Nehemiia 6:3

Eme-phe anga ngʼa tumikisa jiphunga, ngixi: Nga mu bhanga kikalakalu kia dikota, ki ngi tena ku kulumuka; ngi xia kiebhi o kikalakalu kiemana, eme hé ngʼiami mu kutakana ni enu?

Daniiele 6:10

Daniiele-phe kievu kuila sobha ua di-sinala o mukanda, ua bokona mʼonzo iê, hé uia mu xilu muala jinjanela jaʼnzo iê ja jikuka ja lungu ku Jeluzaleme; a-nga ufukama ku jiphuna jê lutatu ku kizuua, usamba, usakidila bhu pholo ia Nzambi iê, kala kiene o kifua kiê tunde ukulu.

Daniiele 6:23

Bhenhobho sobha anga u tana kiavulu ni muẋima uê, iú ua tumu kuila a zaúle Daniiele, mu ngenda; kana-phe kiẋenge kia kima kia mu sange na-kiu, mukonda uaxikanene kua Nzambi iê.

Matesu 22:6

Axala-ku anga a kuata jiphunga jê, a ji bhanga ufusa, a ji jibha.

Matesu 23:34

Kienhiki, talesenu, ngi mi tumikisa jipolofeta ni jinjimu ni jimesene ja kulonga. Enu-phe amoxi-mu mua-nda ku a jibha, amukuá mua-nda ku a phaphela ku makulusu, amoxi mua-nda ku a beta mu malombe menu, ni ku a kaia ku mabhata-mabhata.

Matesu 5:13

Enu muala mu môngua uaʼ xi. O môngua-phe ki u-bhua o kutouala kuê, uene au toua-hi? Ki u tena dingi kubhandulula kima, kikale a u texi, hé a u diota-diota kualʼ athu.

Nzuá 15:20

Lembalalenu o maka u nga mi ambela, ngixi: Mubhika ka tundu ngana iê. Se a ngi zukutisa eme, enu uenu a mi zukutisa; se aiuka maka mami, enu a mi aiuka ue o maka menu.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 13:1

Kikki-phe mu Andiioka, mu Ngeleja mueniomo, mu kala jipolofeta ni alongixi iá: Barnabé, ni Ximinhá a mu edi Muxiketedi, ni Lúsiu mukua Silene, ni Manahene a mu sasa kumoxi ni Helode dia tetalaku, ni Saúlu.

Jipoxolo 13:36

Kuma ni kidi, Davidi kia zubha ku di tuma ni Ngana ku muiji uê, uaia ku kilu, iá a mu tula ni jitata jê. Kalunga ka mu sekumuna muene.

Jipoxolo 2:47

Mu ioso a kala mu ximana Nzambi, o mundu uene uoso u a tumbula. Ngana anga u kala mù bandekeza izuua ioso e kibuka kia ió oso ala kuenda ni kubhuluka.

Jipoxolo 22:20

Ni kia kexi mu bhubhisa o manhinga ma mbangi iê Xitevá, ua tanga jinga o Maka mé, eme ue kituxi kieniokio nga kʼimanena, nga ki xikina. Katé eme-muene nga langele o izuatu ia athu a mu jibha.

Jipoxolo 26:10

Kiene-phe ki nga kexile mu kubhanga mu Jeluzaleme. Mukonda kia ngi bhele jinganga ja makota o kutena, ngi kala mu jika akua Ngana avulu mu ʼaleia. Ni ki eza jinga mu ku a jibha, nga tele-mu o dizui diami, ngixi a a jibhe muene.

Jipoxolo 5:18

Anga a tuma kukuata o Jipoxolo, a a jikila mu ʼaleia.

Jipoxolo 5:20

Ndenu mua kemane mu Tembulu ni kutangela athu o maka ma muenhu uobhe iú.

Jipoxolo 5:33

Adiakime-phe bhu Kionge, ki evu kiki, kia a talakanha. A thathamana kiavulu, anga a kala mu ku a kanena ku a jibha kiá.

Jipoxolo 5:40

O ki exana Jipoxolo, a a bhesa jixikote, hé a a kidika exi kana kuzuela mu dijina dia Jezú, anga a eha.

Jipoxolo 7:38

Mozé muene anga u di bhongolola ni mundu ua Izalaiele mu kikangalakata, anga u kala momo kumoxi ni jitata jetu ni anju ia mu zuelesa ku Mulundu ua Sinai. Mozé muenʼiú muene ua tambuile o mizambu ia muenhu kua Nzambi phala ku tu bhana na-iu etu.

Jipoxolo 7:54

Kienʼiki ene oso a tokala ku Kionge kia Jitata ki evu o makʼ ama, a saluka dingi kiavulu, hé a mu kokotela ku mazu.

Jipoxolo 7:58

A mu kukila ku kanga dia mbonge, anga a mu bûba ni matadi. O jimbangi anga ji tula izuatu iâ bhu inama ia munzangala dijina diê Saúlu.

Jipoxolo 8:14

Kiki o Jipoxolo ja xala mu Jeluzaleme, kia kʼ ivu kuila maka ma Nzambi a ma tambulula ue mu Samádia, a tumikisa-ku Phetele ni Nzuá.

Jipoxolo 8:2

Ku kala athu a ujitu a fûnda Xitevá, a dila jingololo mukonda dia kufua kuê.

Jipoxolo 8:4

Eniá-phe, oso a muangana, a bhita ku mabhata moso ni kulonga o maka.

Jipoxolo 8:5

Felipe anga u kulumuka mu mbonge ia Samádia ni kukolela athu koko o Njimbu ia Kristu.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Loma 1:32

Athu kala kiki, sumbala kijila kia Nzambi a kʼ ijiia, kuma oso akua kubhanga ima kala íii, a tokala kufua, u sanga hanji a jijila o ku i bhanga. O kia di te-ku,—ka i bhange ngó ene,—maji ni athu engi kia a mona ia a i bhanga, ene a a suinisa.

Filipe 1:12

Nga tumu-phe ku mʼ ijidisa, jiphange, kuma o ima ia ngi bhiti ki i fudisa, kana, inda ia bhekela o Njimbu Iambote kusambuka dingi kiengi.

Jihebeleu 11:27

Kiejila mu kuxikana, Mozé kia tundu mu Ijitu, njinda ia sobha ka i lenge. Anga u kolokota ni ufiiele kala uala ku mona Nzambi, ió ka moneka ku mesu.