Jipoxolo 7:8 - O Mikanda Ikola

⁸ Nzambi anga u bhana Mbalahamu o kikutu kia kusaia, mu umbangi ua ioso ia mu tangela. O mu kumbidila kikutuʼiki, Mbalahamu iú ua vuala monʼê Izake, anga u mu saia, ki ala ngó mu nake dia izuua. O Izake kia vuala Jakobo, ua mu saie ue. O Jakobo u vuala kuinhi dia kukululu ni kiiadi, hé u a bhanga kiòmuene.

Jipoxolo 7:8 ပူးပေါင်းရင်းမြစ်များ

Dimatekenu 29:31

Jihova phe kia mono kuma Liia a mu zembe, u jikula divumu diê; Lakele-phe ua mu bhange kisûla.

Dimatekenu 30:5

Bila anga uimita, hé u bhana monʼa diiala kua Jakobo.

Dimatekenu 35:16

Anga a tunda bhu Betele, o mu kuia bhu Efalata, kua kambe ngó kadikanga mu kubiẋila, Lakele u vuala, anga u tala hadi iavulu mu kuvuala.

Dimatekenu 35:18

Mu kuiza-ku-phe, kioso kiala mu lekela, kuma kufua kua mu iza, mona u mu luka dijina dia Ben-oni; maji o tatʼâ-phe u mu luka, uixi: Bejamí.

I Malunda 1:34

Mbalahamu-phe uvuala Izake; o ana a Izake: Izáu ni Izalaiele.

Matesu 1:2

Mbalahamu u vuala Izake, Izake u vuala Jakobo, Jakobo u vuala Juda ni jiphange-jê.

Nzuá 7:22

Enu kamona mu ka saia mu kizuua kia Sábhalu, muixi: Mozé muene ua tumina o kusaia. (Sumbala o kusaia ki kua tundu kua Mozé, maji ku jitata jʼokulu ja mu diangelele muène.)

Jipoxolo 2:29

Enu akuetu, jiphange, kukululuʼ etu Davidi, kia bhingi ngi mi tangela-nê kuma muène uàfua, o mbila iê tuala na-iu muʼ axaxe ketu katé mu kizuua kia lelu.

Loma 4:10

A ku bhangele kiebhi-phe o konda? Kia kexile kiá mu kifua kia kusaia, inga kia kexile hanji ku kanga? Ki mu kusaia, kana. Kia kexile hanji ku kanga.

Ngalásia 3:15

Enu jiphange, ngi zuela hanji mu kikexilu kia athu: Né mbe ki kala kikutu ngó kia athu kiiadi, se edi kikutu a zubha kiá o ku ki ta, kana muthu u aluluka dingi, mba u ta-ku dingi diba diengi.

Ngalásia 3:17

Eme-phe ngambe kiki: kioso kikutu kia Nzambi ki a ta jinga mʼ ukulu, bhu kaxi anga bhu bhita hama jiuana ja muvu ni makuinhi atatu, anga kuiza kiua o Kitumu. O Kitumu kiokio ki ki tena kubhuisa-ku o kikutu kia tuama, ki ki tena ue kutumbulula o polomesa ia Nzambi.

Jihebeleu 7:4

Talenu kioso kia soko o ukota ua Melekizedeke. Katé ni kukululu Mbalahamu, ua mu bhana mbandu ia kakuinhi ku imbamba ia bhundu ku jinguma mu ita.