Jipoxolo 7:51 - O Mikanda Ikola

⁵¹ Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Jipoxolo 7:51 ပူးပေါင်းရင်းမြစ်များ

II Jisobha 17:14

Maji ene-phe nguaʼiê kubhana mátui; inda a ngangamanesa o jixingu jâ kala kia ngangamana jinga o jixingu ja jitata jâ, a kambele o kuxikana kua Jihova, Nzambi iâ.

II Malunda 30:8

o kiki-phe kana ku tundisa kakunda kenu, kala o jitata jenu; tolokenu kua Jihova, muize bhu kididi kiê kikôla, kia kolesa muene katé ku hádia, nda mu bhikile Jihova, Nzambi ienu, phala o kutêma kua njinda iê ki ku mi tule enu.

Nehemiia 9:16

Ene-phe, o jitata jetu, kua eza ukumbu; anga a kolokotesa o xingu jâ, a fula o kuxikana, hé a dituna kubhana o mátui ku ijila ié.

Nehemiia 9:30

Eie-phe ua a vungina ni kilendu kié mu mivu iavulu, anga u kuata ku a bazela ni Nzumbi ié, mu ukunji ua jipolofeta jé; maji ene-phe nguaʼuâ ku ku bhana mátui; kia ku bhangesa ku a bhana bhu lukuaku lua ifuẋi ia akua jixi.

Jisálamu 75:5

Kana kubhetuka o lumbinga lué; kana kubhetula pholo kua Suke-ku ni izala; kana kuzuela ima kua Nzambi ni xingu ia thathamana.

Jisálamu 78:8

Ka soke dingi ni jitata jâ, muiji ua thathamana, ua xibhaka, muiji ua bhengalala o mixima, ku di tuma ni Nzambi a ki tokoka.

Makatukilu 32:9

Jihova anga u ambela dingi Mozé, uixi: Mundu iú nga u mono kiá, ua thathamana jixingu.

Makatukilu 33:3

bandenu-phe muie mu ixi i kunguluka lete ni uiki; maji eme-muène-phe ki ngende dingi muʼaxaxi kenu, kuma enu muala mu mundu ua thathamana jixingu, sumba ngi mi buidisila mu njila.

Makatukilu 33:5

Jihova anga u ambela Mozé, uixi: Ambela anʼa Izalaiele, kuma: Mu mundu ua ngangamana jixingu; eme se ngenda dingi muʼaxaxe kenu, né bhuófele ngó, ngi mi buidisa muene; zulenu-phe makembu menu, phala ngi mone kioso ki ngi mi bhanga.

Makatukilu 34:9

Uixi-phe: Se ni kidi kiene, nga sange ngalasa ku mesu mé, Ngana, nga ku diondo, Eie-muène endela muʼaxaxi ketu; kuma etu tu mundu ua thathamana jixingu. Tu loloke-phe o kubhukumuka kuetu, ni ituxi ietu, nda u tu tambulule mu kukala tu undundu ué.

Izaía 48:4

Mbata eme nga kʼijidile kuamba eie u ndaxi, ua thathamana o xingu kala muxibha ua felu, o dibhomo dié mukua ni dia ngôndo.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Jelemiia 17:23

Maji ene-phe nguâ kuivua, né ngó kutekela mátui; o kiala-bhu, a hinanesa o jixingu jâ, a lengesa o kuívua, mbé a lembue kutambula o mulongi ua ku a bazela.

Jelemiia 4:4

Di saiesienu phala Jihova, humbulenu o mabôlo ku miẋima ienu, enu mu mala ma Juda, nʼenu mua tunga mu Jeluzaleme, mua lengesa kuila o njinda iami hinu ki i bambuke kala tubhia, ni tu kuata kulema anga a lembua ku tu jima, mukonda dia usuéia ua ikalakalu ienu.

Jelemiia 6:10

Enu mala, mukuahi ngi mu tela maka hé ngi mu bhela umbangi, nʼevue? Talesa, kuma ene ala ni mátui a musununu a lémbua kuivua; tala-phe, kuma o maka ma Jihova, phala ene, kima kia jisonhi; ka ma uabhela.

Izekiiele 2:4

O anʼâ a thathamana jipholo, ia a huku miẋima; eme-phe ngi ku tuma kua ene, ua ambela kiki: O Jihova, Nzambi, uambe kiki:

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Izekiiele 44:9

O Jihova Nzambi phe uambe kiki: Ki bhu kale muthu uengi uoso-uoso, ku jinzuàngiza jala muʼaxaxe ka anʼa Izalaiele uala ni dibôlo dia muẋima mba dibôlo dia xitu, nʼa bokone jinge mu dibhezelu diami.

Ijila 26:41

Eme uami, mu kuenda-nâ ene, nga a balukila jinga ʼte ki nga a tande mʼoxi ia jinguma jâ; bhenhobho-phe se o muxima uâ ua dibôlo u di tululula, anga o kibetuʼiki kia ikuma iâ a di ẋikina na-kiu, kuamba kia a fuama,

Dialuilu 27:14

Mukonda mua kambe kutumaka kizuelu kiami mú kikangalata kia Zini, kia bhiti mvunda ia kilômbo, enu mua kambe ku ngi kôlesa ku mesu mâ, bhua fuafuela menha. (Ene o menha a Medibah, bhu Kadexi, mu kikangalakata kia Zini.)

Jipoxolo 6:10

Maji o Nzumbi ia Nzambi-phe unjimu uahi ngó ua bhana kua Xitevá! Mu kuzuela ene oso ua a tolola, o kuejilʼuku, kana dingi muthu ua tena ku mu vutuila.

Jipoxolo 7:27

Iú-phe, ua kexi mu bhanga mukuâ o usueia, u mu baula, uixi: Eie nanhi ua ku bhange kukala u dikota dia ku tu fundisa etu?

Jipoxolo 7:35

Xitevá uamba dingi uixi: Mozé imoxi iii, a mu ditunine kuala anʼ a Izalaiele, exi: Eie nanhi ua ku bhange kukala u dikota dia ku tu fundisa etu? Muene Mozé a mu tumu kuala Nzambi kukala dikota, ni mukudi, ku lukuaku lua anju ia mu tukulukila mu kisasa.

Jipoxolo 7:39

Muenʼiú-phe jitata jetu ka ẋikinine ku di tuma-nê, maji a mu tènde a-nga ku miẋima iâ enda a vutuka ku Ijitu.

Jipoxolo 7:9

O jikukululu kia kuata dixinga dia Zuze, a mu sumbisa mu Ijitu. Nzambi-phe u kala-nê,

Loma 2:25

Kuma o kusaiʼ oko sai ni kubhhanduluka kuê, se eie u Judé uala u mutumaki a Kitumu. Ki u kala-phe u mutondadi a Kitumu, né a ku saie, ua biluka kala ka ku saie.

Efezo 4:30

Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.

Matendelelu 10:16

Saienu-phe o mabôlo ma miẋima ienu, phala ki mu kale dingi muʼathu mua bhukumuka ilunji.

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Matendelelu 31:27

Kuma eme o kubhukumuka kuenu nga ku ijiia, ni kuhinana o jixingu ku muene na-ku. Tala, sumbala eme hanji ni muenhu muʼaxaxi kenu, mua zoka, mua zoka kiá ni Jihova; kuambe dingi se ngafu-ami kiá!

Matendelelu 9:13

Jihova anga u ngʼambela dingi, uixi: Talesa, o kifuẋi kiki, nga a mono kuila kifuẋi kia bhukumuka, a thathamana jixingu.

Matendelelu 9:6

Tuma-phe ku kʼijiia kuma ixi ia iuka kiki, o ku mi bhana-iu, Jihova Nzambi ienu ka ki bhangela ku mi mona kuuabha, kuma enuʼenu mua huku, mua ngangamana jixingu.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Kolose 2:11

Enu-phe a mi bokuesa mua muène ni ku mi saia, kana mu kusaia kua kubatula kaxitu ku mukutu, kala ki bhanga athu, maji mu kusaia kua muène Kristu, kua ku mi kula ku nguzu ia mukutu iú ua ituxi.